IND vs AUS: રન આઉટ થયા બાદ શુભમન ગિલ પર ગુસ્સે થયો શ્રેયસ ઐયર, જુઓ વીડિયો

Updated: Saturday, September 23, 2023, 13:48 [IST]

IND vs AUS: ઓસ્ટ્રેલિયાની સામે રમાયેલી પહેલી વનડે મેચમાં ટીમ ઇન્ડિયાએ આસાનીથી જીતી લીધી હતી. ભારતીય ટીમે પહેલા શાનદાર બોલિંગ પ્રદર્શન કર્યું હતું, જે બાદ બેટ્સમેનોએ પોતાનો દમ દેખાડી મેચમાં શાનદાર જીત અપાવી હતી. લાંબા સમય બાદ ટીમમાં પરત ફરેલા શ્રેયસ ઐયર ફરી એકવાર ફ્લો રહ્યો હતો.

શ્રેયસ ઐયર માત્ર 3 રન બનાવીને 8 બોલનો સામનો કર્યા બાદ આઉટ થયો હતો. ભારતીય ટીમના મિડલ ઓર્ડર બેટ્સમેન રન આઉટ થતાં પેવેલિયન પરત ફરવું પડ્યું હતું. રનઆઉટ થયા બાદ ઐયર શુભમન ગિલ પર ગુસ્સે થતો જોવા મળ્યો હતો, જેનો વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે.

શુભમન ગીલની ભૂલને કારણે શ્રેયસ ઐયર રનઆઉટ થયો? - વાસ્તવમાં ભારતીય ટીમની 24મી ઓવરના ચોથા બોલ પર શ્રેયસ ઐયરે એડમ ઝમ્પાના બોલને હળવાશથી કવર્સ તરફ ધકેલ્યો અને રન બનાવવા માટે આગળ વધ્યો હતો.

બીજા છેડે ઊભેલા શુભમન ગિલ એક ડગલું આગળ વધ્યા અને પછી ઐયરને રન લેતા અટકાવ્યા હતા. શુભમન ગિલનો કોલ આવ્યો ત્યાં સુધીમાં શ્રેયસ ઐયર ક્રિઝથી ઘણો આગળ નીકળી ગયો હતો. ઐયરે પણ પોતાની વિકેટ બચાવવા ડાઈવ લગાવી હતી, પરંતુ ત્યાં સુધીમાં ઘણું મોડું થઈ ચૂક્યું હતું.

પેવેલિયન તરફ જતી વખતે શ્રેયસ ઐયર શુભમન ગિલથી ખૂબ જ નારાજ દેખાઈ રહ્યો હતો. સોશિયલ મીડિયા પર વાયરલ થઈ રહેલા વીડિયોમાં ઐયર ગુસ્સામાં શુભમન ગિલને કંઈક કહેતો પણ જોવા મળે છે. ઉલ્લેખનીય છે કે, પીઠની સમસ્યાને કારણે ઐયર એશિયા કપ 2023માં એક પણ મેચ રમી શક્યો ન હતો.

શુભમન ગિલે રમી શાનદાર ઇનિંગ - શુભમન ગિલ ઓસ્ટ્રેલિયા સામે એશિયા કપમાં પણ પોતાનું શાનદાર ફોર્મ જાળવી રાખવામાં સફળ રહ્યો હતો. શુભમન ગિલે શાનદાર બેટિંગ કરી અને 63 બોલમાં 74 રનની ઝડપી ઇનિંગ રમી હતી.

આ ઇનિંગ દરમિયાન ભારતીય ઓપનરે 6 ફોર અને 2 સિક્સર ફટકારી હતી. શુભમન ગિલ સિવાય ઋતુરાજ ગાયકવાડના બેટનું પણ સારું પ્રદર્શન હતું અને તેણે 71 રન બનાવ્યા હતા. જ્યાં સુકાની કેએલ રાહુલ 58 રન બનાવીને અણનમ રહ્યો હતો, તો સૂર્યકુમારે પણ અડધી સદી ફટકારી હતી.

Shreyas Iyer run out #INDvsAUS #ShreyasIyer #subhmangill #Gill #RuturajGaikwad #zampa pic.twitter.com/p9s0TwzVba
— SRKxTAYLOR (@Srkxtaylor) September 22, 2023

ભારતે આસાનીથી જીતી મેચ - મોહમ્મદ શમીની શાનદાર બોલિંગના કારણે ભારતીય ટીમે પ્રથમ વનડેમાં ઓસ્ટ્રેલિયાને 276 રન પર રોકી દીધું હતું. ઓસ્ટ્રેલિયાએ આપેલા 277 રનના ટાર્ગેટને ટીમ ઈન્ડિયાએ 48.4 ઓવરમાં 5 વિકેટ ગુમાવીને સરળતાથી મેળવી લીધો હતો. ટીમ વતી ઋતુરાજ ગાયકવાડે 71 રન અને શુભમન ગીલે 74 રનની જોરદાર ઈનિંગ રમી હતી. આવા સમયે, કેપ્ટન કેએલ રાહુલ 58 રન બનાવ્યા પછી અણનમ રહ્યો, જ્યારે સૂર્યકુમાર યાદવે પણ અડધી સદી ફટકારી હતી.