આજે T20 World Cup નું શિડ્યુલ જારી થશે, અહીં રમાઈ શકે છે ભારત-પાકિસ્તાન મુકાબલા

ક્રિકેટ જગતનો સૌથી મોટો મહાસંગ્રામ ICC T20 વર્લ્ડ કપ 2026 ભારત અને શ્રીલંકા દ્વારા સંયુક્ત રીતે આયોજિત કરવામાં આવશે. આજે 25 નવેમ્બર 2025 ના રોજ સાંજે આ ટૂર્નામેન્ટનું સંપૂર્ણ શેડ્યૂલ જાહેર થશે, જે ચાહકોમાં ઉત્સાહ જગાવશે. આ વર્લ્ડ કપ 7 ફેબ્રુઆરીથી 8 માર્ચ, 2026 દરમિયાન રમાશે.

ક્રિકેટ ચાહકો માટે આ ટૂર્નામેન્ટ સંબંધિત તમામ મહત્વપૂર્ણ માહિતી જાણવી જરૂરી છે, જેમાં કઈ ટીમો ક્યારે ટકરાશે તે અંગેની સ્પષ્ટતા શેડ્યૂલ દ્વારા થશે. 2026 T20 વર્લ્ડ કપનું ફોર્મેટ અગાઉની કેટલીક આવૃત્તિઓ કરતાં થોડું અલગ હશે. આ ટૂર્નામેન્ટમાં કુલ 20 ટીમો ભાગ લેશે અને કુલ 55 મેચો રમાશે.

ટૂર્નામેન્ટને ત્રણ મુખ્ય તબક્કામાં વિભાજિત કરવામાં આવી છે. પ્રથમ ગ્રુપ તબક્કો જેમાં 20 ટીમોને 4 ગ્રુપમાં (દરેક ગ્રુપમાં 5 ટીમો) વહેંચવામાં આવશે. દરેક ટીમ પોતાના ગ્રુપની બાકીની 4 ટીમો સામે એક-એક મેચ રમશે. દરેક ગ્રુપમાંથી ટોચની 2 ટીમો સુપર 8 તબક્કા માટે ક્વોલિફાય થશે.

બીજો તબક્કો સુપર 8 હશે. ગ્રુપ તબક્કામાંથી આવેલી 8 ટીમોને બે ગ્રુપમાં વહેંચવામાં આવશે (દરેક ગ્રુપમાં 4 ટીમો). આ મેચો રાઉન્ડ-રોબિન ફોર્મેટમાં રમાશે. બંને સુપર 8 ગ્રુપમાંથી ટોચની 2 ટીમો સેમિફાઇનલમાં સ્થાન મેળવશે. અંતિમ તબક્કો નોકઆઉટ હશે, જેમાં બે સેમિફાઇનલ અને એક ફાઇનલ મેચ રમાશે.

શેડ્યૂલમાં ખાસ શું હશે?

યજમાન ટીમો તરીકે ભારત અને શ્રીલંકાને આ વર્લ્ડ કપમાં સીધી એન્ટ્રી મળી છે. આ બંને ટીમો વચ્ચેની મેચની સૌથી વધુ રાહ જોવાશે. સૌથી મોટી નજર ભારત-પાકિસ્તાન મેચ પર રહેશે, જેનું સ્થળ અને તારીખ ટૂંક સમયમાં જાહેર થશે. ભારતમાં મુંબઈ, દિલ્હી, ચેન્નઈ, કોલકાતા જેવા મોટા શહેરોના સ્ટેડિયમમાં મેચો યોજાય તેવી અપેક્ષા છે.

ક્રિકેટ પ્રેમીઓ 25 નવેમ્બર મંગળવારે સાંજે 6:30 વાગ્યે (IST) થી ICC મેન્સ T20 વર્લ્ડ કપ 2026 ના શેડ્યૂલની લાઇવ જાહેરાત જોઈ શકશે. આ કાર્યક્રમ JioCinema પર સ્ટ્રીમિંગ દ્વારા ઉપલબ્ધ રહેશે, જ્યારે Star Sports 1 Star Sports 2 અને Star Sports 3 ચેનલો પર દેશભરમાં ટીવી પર તેનું પ્રસારણ કરવામાં આવશે.

English summary

The ICC Men's T20 World Cup 2026 is set for 7 February to 8 March, hosted by India and Sri Lanka. The tournament features 20 teams and 55 matches.