IPL 2025: CSK દ્વારા રિલીઝ બાદ પણ દીપક ચહરે નથી છોડી આશા, કહ્યું, મને ખુદ પર ભરોસો છે

Deepak Chahar : IPL 2025ની મેગા ઓક્શન પહેલા ચેન્નાઈ સુપર કિંગ્સે ફાસ્ટ બોલર દીપક ચહરને બહાર કરીને બધાને ચોંકાવી દીધા હતા. CSKએ 5 ખેલાડીઓને રીટેઈન કર્યા છે અને તેમની પાસે પણ એક સ્લોટ ખાલી હતો. પરંતુ તેમ છતાં તેણે દીપકને રીટેઈ ન કર્યો. ચેન્નાઈના આ નિર્ણયથી ચાહકો આશ્ચર્યચકિત છે.

IPLસાથે દીપક ચહરની સફર 2016માં શરૂ થઈ હતી. ચહરને સૌપ્રથમ રાઇઝિંગ પુણે સુપરજાયન્ટ્સ દ્વારા પસંદ કરવામાં આવ્યો હતો અને બાદમાં તે 2018માં એમએસ ધોનીની ચેન્નાઈ સુપર કિંગ્સનો ભાગ બન્યો હતો. રિલીઝ થયા બાદ દીપકે હવે પહેલીવાર પોતાની પ્રતિક્રિયા આપી છે. દીપક ચહરને વિશ્વાસ છે કે ચેન્નાઈ સુપર કિંગ્સ તેને ફરી એકવાર હરાજીમાં ખરીદશે.

રણજી ટ્રોફીમાં ભાગ લીધો હતો
સમય જતાં ફિટનેસ પડકારોનો સામનો કરવા છતાં ચહરે પુનરાગમન કર્યું છે. તેણે રાજસ્થાન માટે રણજી ટ્રોફીમાં ભાગ લઈને પોતાની ફિટનેસ બતાવી છે. ત્યાં ચાર મેચમાં 99 ઓવરની બોલિંગ એ સાબિત કરે છે કે તેની ફિટનેસ અને ફોર્મ પર કોઈ પ્રશ્ન નથી. આવી સ્થિતિમાં તેમના માટે હરાજીમાં મોટી બોલી લગાવવામાં આવી શકે છે.

ચહર ફરીથી ચેન્નાઈનો ભાગ બની શકે છે
ચેન્નાઈએ આ આગામી સિઝન માટે રૂતુરાજ ગાયકવાડ, રવીન્દ્ર જાડેજા, મતિષા પથિરાના, શિવમ દુબે અને એમએસ ધોની સહિત માત્ર પાંચ ખેલાડીઓને જાળવી રાખવાનો નિર્ણય કર્યો, જેનાથી ચહર અને અન્ય ઘણા ખેલાડીઓને મુક્ત કર્યા. જો કે, ચાહરને ફરીથી સાઈન કરવામાં આવે તેવી શક્યતા યથાવત છે.

દીપક ચહરને આત્મવિશ્વાસ છે
ટાઈમ્સ ઓફ ઈન્ડિયા સાથે વાત કરતા ચહરે કહ્યું કે, તેઓએ મને ગત મેગા ઓક્શનમાં પણ રાખ્યો ન હતો પરંતુ પછી મને પાછો ખરીદ્યો હતો. મને ખબર નથી કે આ વર્ષે શું થશે, પરંતુ હું જાણું છું કે મારા ફોર્મને હવે વધુ મહત્વ આપવામાં આવશે કારણ કે પાવરપ્લેમાં લગભગ 90-100 રન બનાવવામાં આવી રહ્યા છે અને તેથી જ ટીમો ઘણીવાર 200 થી વધુ રન બનાવી રહી છે. મેં સાબિત કર્યું છે કે રમતના તે તબક્કે રન મર્યાદિત કરવામાં હું કેટલો મૂલ્યવાન બની શકું છું.