DC vs LSG: મેયર્સની તોફાની બેટીંગ, લખનૌએ બનાવ્યા 193 રન, જીતવા ઉતરશે દિલ્હી

Published: Saturday, April 1, 2023, 21:26 [IST]

IPLની 16મી સિઝનની ત્રીજી મેચ લખનઉ સુપર જાયન્ટ્સ અને દિલ્હી કેપિટલ્સ વચ્ચે રમાઈ રહી છે. દિલ્હીએ મેચમાં ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટીંગ કરતા ઉતરેલ લખનઉએ 20 ઓવરમાં 6 વિકેટ ગુમાવી 193 રન બનાવ્યા હતા. લખનૌના ઓપનર કાયલ માયરસે તોફાની બેટીંગ કરી હતી. મેયર્સે 38 બોલમાં 7 સિક્સ અને 2 ચોગ્ગાની મદદથી 73 રન બનાવ્યા હતા.

ઉલ્લેખનિય છેકે ટૂર્નામેન્ટમાં બંને ટીમોની આ પ્રથમ મેચ છે. લખનૌની કપ્તાની કેએલ રાહુલ પાસે છે. ગયા વર્ષે તે ટીમને પ્લેઓફમાં લઈ ગયો હતો. બીજી તરફ દિલ્હી કેપિટલ્સની કમાન ઓસ્ટ્રેલિયાના ડેવિડ વોર્નરના હાથમાં છે. કાર અકસ્માતમાં ઘાયલ થયેલા ઋષભ પંતની જગ્યાએ વોર્નરને કેપ્ટનશીપ મળી છે.

Published On April 1, 2023