DC vs GT : રિષભ પંત-અક્ષર પટેલની શાનદાર અડધી સદી, દિલ્હીને મોટો ટાર્ગેટ

દિલ્હી કેપિટલ્સ અને ગુજરાત ટાઈટન્સ વચ્ચે રમાઈ રહેલા આઈપીએલના મુકાબલામાં દિલ્હીએ પહેલા બેટિંગ કરતા ગુજરાત ટાઈટન્સને મોટો ટાર્ગેટ આપ્યો છે.

ગુજરાત ટાઈટન્સે ટોસ જીતીને પહેલા બેટિંગ માટે દિલ્હીને આમંત્રણ આપ્યુ હતું. જો કે ગુજરાતનો આ નિર્ણય દિલ્હી માટે સારો સાબિત થયો અને ટીમ મોટો સ્કોર કરવામાં સફળ રહી.

દિલ્હી કેપિટલ્સે પહેલા બેટિંગ કરતા 4 વિકેટ ગુમાવીને 20 ઓવરમાં 224 રન બનાવ્યા છે. દિલ્હી માટે ફરીથી એક વખત રિષભ પંત શાનદાર ફોર્મમાં જોવા મળ્યો અને 88 રનની ધમાકેદાર ઈનિંગ રમી. આ સિવાય અક્ષર પટેલે અડધી સદી ફટકારતા 66 રન બનાવ્યા.

હવે ગુજરાત ટાઈટન્સે મુકાબલો જીતવો હશે તો શાનદાર શરૂઆત કરવી પડશે. આ સિવાય જો ટીમે વિકેટ ગુમાવી તો મોટો સ્કોર પાર કરવામાં મુશ્કેલીનો સામનો કરવો પડી શકે છે.

જણાવી દઈએ કે, ગુજરાત ટાઈટન્સ અને દિલ્હી કેપિટલ્સ બન્ને માટે આ મુકાબલો જીતવો મહત્વપુર્ણ છે. કેમ કે ગુજરાત 8 પોઈન્ટ સાથે છઠ્ઠા સ્થાને તો દિલ્હી 6 પોઈન્ટ સાથે આઠમાં સ્થાને છે.

English summary

DC vs GT: Rishabh Pant-Akshar Patel's brilliant half-centuries, big target for Delhi