Asia Cup 2023, Most Runs: એશિયા કપમાં કોના નામે છે સૌથી વધુ રન બનાવવાનો રેકૉર્ડ, ટૉપ-5માં એક ભારતીય

Asia Cup 2023 Final: ભારતે 17 સપ્ટેમ્બરે આઠમી વખત એશિયા કપ જીતીને ઈતિહાસ રચ્યો હતો. પ્રથમ બેટિંગ કરવા ઉતરેલી શ્રીલંકાની ટીમ 15.2 ઓવરમાં 50 રનમાં જ સિમિત થઈ ગઈ હતી. ટાર્ગેટને ચેઝ કરવા ઉતરેલી ટીમ ઈન્ડિયાએ 263 બોલ બાકી રહેતા કોઈ પણ વિકેટ ગુમાવ્યા વિના ટાઈટલ જીતી લીધું હતું.

આ દરમિયાન મોહમ્મદ સિરાજે 21 બોલમાં છ વિકેટ લઈને ચમત્કાર કર્યો હતો. આવો જાણીએ કે એશિયા કપમાં કયા પાંચ બેટ્સમેને સૌથી વધુ રન બનાવ્યા હતા.

શુભમન ગિલ

શુભમન ગિલ એશિયા કપ 2023માં સૌથી વધુ રન બનાવનાર ખેલાડી છે. ગિલે ટુર્નામેન્ટમાં ધીમી શરૂઆત કરી હતી પરંતુ સતત અર્ધસદી સાથે બાઉન્સ બેક કર્યું હતું. 24 વર્ષના આ ખેલાડીએ બાંગ્લાદેશ સામે 133 બોલમાં 121 રનની શાનદાર સદી ફટકારી હતી. ગિલ ટૂર્નામેન્ટની 6 મેચમાં 302 રન સાથે ચાર્ટમાં ટોચ પર છે.

કુસલ મેન્ડિસ

શ્રીલંકાના વિકેટકીપર કુસલ મેન્ડિસે એશિયા કપ 2023માં બેટ વડે શાનદાર પ્રદર્શન કર્યું હતું. મેન્ડિસ 6 મેચમાં 270 રન સાથે યાદીમાં બીજા સ્થાને રહ્યો. મેન્ડિસે અફઘાનિસ્તાન સામે 84 બોલમાં 92 રનની અડધી સદી ફટકારી હતી, જે તેનો સર્વોચ્ચ સ્કોર હતો.

સાદિરા સમરવિક્રમા

શ્રીલંકાની સ્ટાર બેટ્સમેન સાદિરા સમરવિક્રમાએ ટૂર્નામેન્ટમાં જોરદાર પ્રદર્શન કર્યું અને 6 મેચમાં 215 રન બનાવ્યા. તેનો સર્વોચ્ચ સ્કોર 93 રન હતો. ટોચના બેટ્સમેનોની યાદીમાં સમરવિક્રમા ત્રીજા સ્થાને છે. તેણે એશિયા કપ 2023માં બે અર્ધસદી ફટકારી હતી.

બાબર આઝમ

પાકિસ્તાનના કેપ્ટન બાબર આઝમ 4 ઇનિંગ્સમાં 207 રન સાથે આ યાદીમાં ચોથા સ્થાને છે. એશિયા કપ 2023ની પ્રથમ મેચમાં તેની 151 રનની ઈનિંગ ટૂર્નામેન્ટમાં અત્યાર સુધીનો સૌથી વધુ સ્કોર છે. પાકિસ્તાન તરફથી બાબર આઝમે સૌથી વધુ રન બનાવ્યા હતા.

મોહમ્મદ રિઝવાન

પાકિસ્તાનના વિકેટકીપર બેટ્સમેન મોહમ્મદ રિઝવાને પાંચ મેચમાં 195 રન બનાવ્યા હતા. ટૂર્નામેન્ટના ટોચના બેટ્સમેનોની યાદીમાં તે પાંચમા સ્થાને રહ્યો. ટૂર્નામેન્ટમાં રિઝવાને પોતાની બેટિંગ કૌશલ્યનું અદભૂત પ્રદર્શન કર્યું અને શ્રીલંકાની ટીમ સામે અણનમ 86 રન બનાવ્યા, જે તેનો સર્વોચ્ચ સ્કોર હતો.

English summary

Asia Cup 2023: The most runs in the Asia Cup, an Indian in the top-5.