ધોનીની IPL સૈલેરીથી પણ વધુ ટેક્સ ભરશે ચેમ્પિયન ડી ગુકેશ, જાણો કેટલી રકમ ઈન્ક્મટેક્સમાં જશે?

ડી ગુકેશ ચેસમાં સૌથી યુવા ચેમ્પિયન બનીને હલચલ મચાવી હતી અને તેને ઈનામી રકમ તરીકે મોટી રકમ મળી હતી. ગુકેશ પણ આના પર ટેક્સ ભરવો પડશે. આ રકમ પણ કરોડોમાં થવાની છે. મહેન્દ્ર સિંહ ધોનીની આઈપીએલ સેલેરી પણ એટલી નથી.

ડી ગુકેશને આ વખતે IPLમાં ધોનીની સેલેરી કરતાં વધુ ટેક્સ ચૂકવવો પડશે. જો રિપોર્ટ્સનું માનીએ તો ગુકેશને 4.67 કરોડ રૂપિયા ટેક્સ તરીકે ચૂકવવા પડશે. બીજી તરફ મહેન્દ્ર સિંહ ધોનીની આઈપીએલ સેલેરી માત્ર 4 કરોડ રૂપિયા છે.

11 કરોડ 34 લાખ રૂપિયા મળશે

ધોનીને આ સિઝનમાં અનકેપ્ડ ખેલાડી તરીકે ચેન્નાઈ સુપર કિંગ્સે સામેલ કરવામાં આવ્યો હતો. ગુકેશે ફાઈનલમાં ચીનના ડીંગ લિરેનને હરાવીને ચેસ જગતમાં હલચલ મચાવી દીધી હતી. ટેક્સ બાદ તેની ઈનામની રકમ ઘટીને 11 કરોડ 34 લાખ રૂપિયા થઈ જશે.

37 ટકા સરચાર્જ લાગુ પડશે

ભારતમાં 15 લાખ રૂપિયા પછી ટેક્સ 30 ટકા છે. 5 કરોડથી વધુ રકમ પછી 37% સુધીનો સરચાર્જ લાગુ પડે છે. જેના કારણે ગુકેશને પણ ટેક્સ ભરવો પડે છે. ઈનામની રકમ વધુ હોવાને કારણે આવકવેરાની રકમમાં પણ વધારો થયો છે.

હવે કઈ વિચારવાની જરૂર નથી

ગુકેશે કહ્યું હતું કે તે ક્યારેય પૈસા માટે ચેસ નથી રમ્યો. રમતમાંથી પૈસા કમાવવાનો તેનો હેતુ નહોતો. તેણે કહ્યું કે જ્યારે હું ચેસમાં આવ્યો ત્યારે પરિવારે પણ મુશ્કેલ નિર્ણયો લેવા પડ્યા હતા. મારા માતાપિતા ખરાબ નાણાકીય અને ભાવનાત્મક સમયમાંથી પસાર થયા. અમે હવે આરામદાયક છીએ અને માતાપિતાએ કંઈપણ વિચારવાની જરૂર નથી.