આઈપીએલ ટાઇટલ સ્પૉન્સરશિપ માટે ટેન્ડર મંગાવાયા

મુંબઈ, 27 ઑક્ટોબર : ડીએલએફ સાથે પાંચ વર્ષનો કરાર ખત્મ થયા બાદ બીસીસીઆઈ એટલે કે બોર્ડ ઑફ કંટ્રોલ ફૉર ક્રિકેટ ઇન ઇન્ડિયાએ આઈપીએલ એટલે કે ઇન્ડિયન પ્રીમિયર લીગના ટાઇટલ સ્પૉન્સર બનાવવા કમ્પનીઓ માટે ટેન્ડર બહાર પાડ્યું છે. આ ટેન્ડર 27મી ઑક્ટોબરથી ઉપલબ્ધ હશે.

મીડિયાને જારી કરવામાં આવેલ પ્રેસનોટમાં બીસીસીઆઈએ જણાવ્યું છે કે આ ટેન્ડર બીસીસીઆઈ, ક્રિકેટ સેંટર, મુંબઈમાં સવારે 10થી સાંજે 6 વાગ્યા સુધી પ્રાપ્ત કરી શકાશે. દરેક ટેન્ડરની કિંમત બે લાખ રૂપિયા છે. બીસીસીઆઈના જણાવ્યાં મુજબ આ કૉન્ટ્રાક્ટ પાંચ વર્ષ (2013-2017) માટે કરાશે.

નોંધનીય છે કે અત્યાર સુધી ડીએલએફ આઈપીએલનો ટાઇટલ સ્પૉન્સર હતું. ડીએલએફએ બીસીસીઆઈ સાથે આ માટે પાંચ વર્ષનો કરાર કર્યો હતો. આ કરારની મુદ્દત આ વર્ષે સમાપ્ત થઈ ગઈ છે અને ડીએલએફએ કૉન્ટ્રાક્ટ આગળ ચાલું રાખવાનો ઇનકાર કર્યો છે.

આઈપીએલની છઠી સીઝનનો પ્રારંભ 30મી એપ્રિલ, 2013ના રોજથી થવાની છે.

English summary

The BCCI has invited tenders for IPL title sponsorship after DLF recently ended its five-year association with the cash-rich Twenty20 league.