Prakash Hinduja : કોણ છે બ્રિટનના સૌથી અમીર પ્રકાશ હિન્દુજા? જાણો કેમ પુરા પરિવારને બ્રિટનમાં જેલની સજા થઈ?

Prakash Hinduja : મુળ ભારતીય અને બ્રિટનના સૌથી અમીર પ્રકાશ હિન્દુજા આ દિવસોમાં પુરી દુનિયામાં ચર્ચામાં છે. તેમના પુરા પરિવારને સ્વીસ કોર્ટે જેલની સજા ફટકારી છે.

કોર્ટમાં પ્રકાશ હિન્દુજા, તેમની પત્ની કમલ હિન્દુજા, પુત્ર અજય હિન્દુજા અને પુત્રવધૂ નમ્રતા હિન્દુજા પર માનવ તસ્કરી અને નોકરો સાથે અમાનવીય વ્યવહારના ગંભીર આરોપો મૂકવામાં આવ્યા હતા.

જો કે, કોર્ટને માનવ તસ્કરીનો આરોપ સાચો નથી લાગ્યો પરંતુ એક કર્મચારીઓને ઓછો પગાર આપવા અને તેમને વધુ કામ કરવા માટે 4.5 વર્ષની જેલની સજા સંભળાવી છે. પ્રકાશ હિન્દુજાનો જન્મ ભારતમાં થયો હતો. તેઓ હિન્દુજા ગ્રુપ યુરોપના ચેરમેન છે.

હિન્દુજા બ્રિટનનો સૌથી ધનિક પરિવાર
પ્રકાશ પરમાનંદ હિન્દુજાનો જન્મ જૂન 1945માં સિંધી પરિવારમાં થયો હતો. તેઓ ભારતીય મૂળના સ્વિસ બિઝનેસમેન છે. બ્રિટનના સૌથી ધનાઢ્ય પરિવારનો હિસ્સો પ્રકાશ હિન્દુજાનો બિઝનેસ ઓઈલ, ગેસ અને બેન્કિંગ સેક્ટરમાંથી આવે છે.

તેમણે પોતાનું કામ ઈરાનના તેહરાનથી શરૂ કર્યું હતું. આ પછી તે જિનીવા ગયા અને કંપનીની યુરોપ બ્રાન્ચ સંભાળવા લાગ્યા. તે 2008થી મોનાકોમાં રહે છે. હાલમાં કમલ અને પ્રકાશ હિન્દુજા સ્વાસ્થ્યના કારણોસર દુબઈમાં છે. તેમને બે પુત્રો અજય હિન્દુજા અને રામકૃષ્ણ હિન્દુજા અને પુત્રી રેણુકા હિન્દુજા છે.

હિન્દુજા પરિવારની કુલ સંપત્તિ 47 અબજ ડોલર છે
હિન્દુજા પરિવારની કુલ સંપત્તિ અંદાજે 47 અબજ ડોલર છે. તેમની લગભગ 100 અબજ ડોલરની સંપત્તિ વિશ્વભરમાં છે. પ્રકાશ હિંદુજા અને તેમના પરિવાર પર તેમના સ્ટાફને 18 કલાક કામ કરાવવાનો આરોપ છે.

તેના બદલામાં તેને દરરોજ માત્ર 7 સ્વિસ ફ્રેંક (655 રૂપિયા) આપવામાં આવ્યા હતા. આ પૈસા તેને ભારતમાં જ મળતા હતા. સ્ટાફના પાસપોર્ટ જપ્ત કરવામાં આવ્યા હતા. આ ઉપરાંત તેમને ક્યાંય જવા દેવામાં આવ્યા ન હતા. હિન્દુજા પરિવારે આ નિર્ણય સામે ઉચ્ચ અદાલતમાં અપીલ કરવાનો નિર્ણય કર્યો છે.

હિન્દુજા ગ્રુપનો બિઝનેસ લગભગ 11 સેક્ટરમાં ફેલાયેલો છે. લગભગ 110 વર્ષ પહેલા પરમાનંદ દીપચંદ હિંદુજાએ કોમોડિટી ટ્રેડિંગથી આ ગ્રુપની સ્થાપના કરી હતી. તેમના ચાર પુત્રો શ્રીચંદ હિંદુજા, ગોપીચંદ હિંદુજા, અશોક હિંદુજા અને પ્રકાશ હિંદુજાએ આ ધંધાને દુનિયાભરમાં ફેલાવ્યો.

આ પરિવારે બોલિવૂડ ફિલ્મોના આંતરરાષ્ટ્રીય વિતરણ દ્વારા ઘણી સફળતા હાંસલ કરી છે. વર્ષ 2023માં શ્રીચંદ હિંદુજાના નિધન બાદ જૂથની કમાન ગોપીચંદ હિંદુજાના હાથમાં આવી. આ પરિવાર એશિયાના ટોપ 20 સૌથી ધનિક પરિવારોમાં સામેલ છે.

English summary

Prakash Hinduja : Who is Britain's richest Prakash Hinduja? Know why was jailed?