World No Tobacco Day 2022 : તમાકુનું સેવન આપણા માટે કેટલું જોખમી છે? જાણો મહત્વપૂર્ણ તથ્યો

World No Tobacco Day 2022 : વિશ્વ તમાકુ વિરોધી દિવસ દર વર્ષે 31મી મે ના રોજ સમગ્ર વિશ્વમાં ઉજવવામાં આવે છે. આ દિવસનો હેતુ લોકોને તમાકુ કે માદક દ્રવ્યો પ્રત્યે જાગૃત કરવાનો છે. નશામાં માત્ર તમાકુ જ નહીં પણ (બીડી, સિગારેટ, ગુટખા વગેરે) નો પણ સમાવેશ થાય છે. જે કેન્સર જેવી જીવલેણ બીમારીઓનું કારણ બની શકે છે.

સમગ્ર વિશ્વમાં ઝડપથી વધી રહેલા અનેક ગંભીર રોગોનું મુખ્ય કારણ તમાકુ ઉત્પાદનો છે. ખાસ કરીને સ્વાસ્થ્ય નિષ્ણાતો ધૂમ્રપાનને સૌથી ખતરનાક માને છે. યુનાઇટેડ સ્ટેટ્સમાં વાર્ષિક 5 મિલિયનથી વધુ મૃત્યુ માટે ધૂમ્રપાન જવાબદાર હોવાનું માનવામાં આવે છે. ભારતના દૃષ્ટિકોણથી પણ આ ઝડપથી વધી રહેલી સમસ્યા છે. તમાકુના ઉત્પાદનો કેન્સર, ફેફસાના રોગ, હૃદય રોગ અને સ્ટ્રોક જેવા ગંભીર રોગોનું કારણ બને છે. દર વર્ષે ભારતમાં તમાકુના ઉપયોગને કારણે પ્રત્યક્ષ કે પરોક્ષ રીતે લગભગ 1.35 મિલિયન મૃત્યુ થાય છે.

સ્વાસ્થ્ય નિષ્ણાતોના મતે છેલ્લા કેટલાક દાયકાઓમાં તમાકુ ઉત્પાદનોનો વપરાશ ખૂબ જ ઝડપથી વધ્યો છે, જેને રોકવો ખૂબ જ જરૂરી છે. આ જોખમને ધ્યાનમાં રાખીને દર વર્ષે 31 મેvના રોજ 'વર્લ્ડ નો ટોબેકો ડે' ઉજવવામાં આવે છે, જેનો હેતુ લોકોને તમાકુના જોખમો વિશે જાગૃત કરવાનો છે.

નિષ્ણાતો ધૂમ્રપાનને આરોગ્ય માટેના મોટા જોખમ તરીકે જુએ છે. ચાલો જાણીએ કે, તમાકુના ઉત્પાદનો, ખાસ કરીને ધૂમ્રપાનના સ્વરૂપમાં તેનું સેવન કરવાથી કેવા પ્રકારના ગંભીર સ્વાસ્થ્ય જોખમો થઈ શકે છે?

કાર્ડિયોવેસ્ક્યુલર સમસ્યાઓ

ધૂમ્રપાન શરીરને ઘણી રીતે ગંભીર નુકસાન પહોંચાડે છે, તેમજ કાર્ડિયોવેસ્ક્યુલર સિસ્ટમને નુકસાન થવાનું જોખમ રહેલું છે. નિકોટિનરક્તવાહિનીઓને સંકોચવાનું કારણ બને છે, જે રક્ત પ્રવાહને અસર કરી શકે છે.

આ સિવાય ધૂમ્રપાન કરવાથી બ્લડ પ્રેશર પણ વધે છે, જેરક્તવાહિનીઓની દિવાલોને નબળી બનાવે છે, લોહીના ગંઠાવાનું પણ જોખમ રહે છે. ધૂમ્રપાનને હૃદયના સ્વાસ્થ્ય માટે ગંભીર જોખમ તરીકેજોવામાં આવે છે.

ડાયાબિટીસનું જોખમ

ધૂમ્રપાન કરનારાઓને ડાયાબિટીસનું જોખમ અન્ય લોકો કરતાં વધુ હોય છે. ધૂમ્રપાન ઇન્સ્યુલિન પર પણ અસર કરે છે, ઇન્સ્યુલિનપ્રતિકારનું જોખમ વધારે છે. બીજી તરફ, ધૂમ્રપાન એ લોકોમાં ઘણી જટિલતાઓનું જોખમ વધારે છે, જેમને પહેલેથી જ ડાયાબિટીસ છે.

ફેફસાના રોગની સમસ્યા

ફેફસાં એ શરીરના એક એવા અંગો છે, જે ધૂમ્રપાનથી સીધી અસર પામે છે. ધૂમ્રપાનથી નીકળતો ધુમાડો તમારા ફેફસાંમાં હવાની નાનીકોથળીઓને નુકસાન પહોંચાડે છે, જે ફેફસાના રોગ તરફ દોરી શકે છે.

ધૂમ્રપાનથી થતા ફેફસાના રોગોમાં COPD સૌથી સામાન્ય છે.એટલું જ નહીં, ફેફસાના કેન્સરના મોટાભાગના કેસમાં ધૂમ્રપાનને મુખ્ય કારણ તરીકે જોવામાં આવે છે.

પ્રજનન ક્ષમતા પર અસર

સંશોધન સૂચવે છે કે, જે પુરૂષો વધુ ધૂમ્રપાન કરે છે, તેમના શુક્રાણુમાં ડીએનએને નુકસાન થવાનું જોખમ વધારે છે. તે પ્રજનન ક્ષમતાને પણઘટાડી શકે છે. તે જ સમયે, ગર્ભાવસ્થા દરમિયાન ધૂમ્રપાન કરવાથી ગર્ભની અનેક પ્રકારની સમસ્યાઓનું જોખમ પણ વધી જાય છે.

ધૂમ્રપાનની આદત સ્ત્રી અને પુરુષ બંનેની પ્રજનન ક્ષમતા માટે ખૂબ જ નુકસાનકારક માનવામાં આવે છે. જે કારણે ધૂમ્રપાનથી દૂર રહેવુંજોઈએ. જો તમે ધૂમ્રપાન કરતા હોય તો આજથી જ ધીરે ધીરે છોડીને દેવું જોઈએ. આ માટે તમે નશા મુક્તિ કેન્દ્રનો સંપર્ક કરવો જોઈએ.

English summary

World No Tobacco Day 2022 : How Dangerous is Tobacco Use for Us? know facts.