અમેરિકા સ્ટુડન્ટ વિઝાના નિયમો કડક બનાવશે

Published: Saturday, May 4, 2013, 12:10 [IST]

વૉશિંગ્ટન, 4 મે : બોસ્ટોન મેરેથોન વિસ્ફોટને ધ્યાનમાં રાખીને અમેરિકાએ વિદેશી વિદ્યાર્થીઓ માટે વિઝા નિયમો વધારે કડક બનાવવાનો નિર્ણય લીધો છે. અમેરિકા વિઝા નિરીક્ષણ પ્રક્રિયાને વધારે કડક કરવા જઇ રહ્યું છે. જેથી ખાતરી કરી શકાય કે વિદેશથી આવનારા વિદ્યાર્થીઓ પાસે કાયદેસર સ્ટુડન્ટ વિઝા હોય.

આ અંગે એબીસી ન્યુઝની રિપોર્ટ અનુસાર દેશમાં પ્રવેશ કરવા માટેના મુખ્ય કેન્દ્ર જેમ કે વિમાનમથક અથવા અન્ય કેન્દ્રો પર અધિકૃત સીમા એજન્ટ દરેક વિદેશી વિદ્યાર્થીઓ પાસે ચેક કરશે કે તેમની પાસે કાયદેસર સ્ટુડન્ટ વિઝા છે. આ ઉપરાંત જે વિદ્યાર્થીનું નામ પસંદ કરવામાં આવે છે તેની તમામ વિગતો 'સ્ટુડન્ટ એન્ડ એક્સચેન્જ વિઝિટર પ્રોગ્રામ' (એસઇવીઆઇએસ)માં નોંધવામાં આવશે.

આ નવી પ્રક્રિયા અંતર્ગત સીમા એજન્ટ વિદ્યાર્થીઓ અમેરિકામાં પ્રવેશ કરે એ પહેલા વિમાન ઉડાન માટે નોંધાવેલી માહિતીનો ઉપયોગ કરીને વિદ્યાર્થીઓના વિઝાને મંજૂરી આપશે. ઉલ્લેખનીય છે કે વિસ્ફોટના આરોપી જોખર સારાનાઇવના મિત્રો પર વિસ્ફોટ બાદ પુરાવાઓ છુપાવી દેવાનો આરોપ છે. સંઘીય તપાસ એજન્સીએ તેના એક મિત્ર અજમત અઝાકોવ દ્વારા વિઝા શરતોની અવગણના કરવામાં આવી હોવાની વાત કહી છે.

Published On May 4, 2013