યુએસ સેનેટે ભારતીય મૂળના મનીષ શાહને બનાવ્યા ફેડરલ જજ

વૉશિંગ્ટન, 3 મે : ભારતીય મૂળના અને અમેરિકામાં વસેલા મનીષ શાહને ઈલીનોઈ રાજ્યના ફેડરલ જજ તરીકે નિયુક્ત કરવાના નિર્ણયને અમેરિકાની સેનેટે મંજૂરી આપી દીધી છે. આથી મનીષ શાહ અમેરિકામાં વસ્તીની દ્રષ્ટિએ પાંચમા નંબરના ગણાતા ઈલીનોઈ રાજ્યમાં આ પદે નિયુક્ત થનાર પ્રથમ દક્ષિણ એશિયન જજ બન્યા છે.

મનીષ શાહ હાલ 40 વર્ષની વય ધરાવે છે. તેમની નિયુક્તિને સેનેટે સર્વાનુમતે એટલે કે 95 વિરુદ્ધ 0 મત સાથે મંજૂરી આપી છે.
ઈલીનોઈના સેનેટર માર્ક કિર્કે સેનેટની મંજૂરી બાદ એક નિવેદનમાં કહ્યું છે કે પ્રોસિક્યૂટર તરીકે શાહના અનુભવ અને શિકાગોના યુએસ એટર્નીના કાર્યાલયમાં તેમણે હાંસલ કરેલા અનેક લીડરશિપ પદને લીધે તે વિદ્વાન જજ તરીકે સમ્માનીય છે. તે મુલ્કી વિવાદો તથા ગુનાઓની કાનૂની કાર્યવાહીમાં ન્યાયી પ્રક્રિયાને આગળ વધારશે એવો અમને વિશ્વાસ છે.

ન્યૂ યોર્કમાં જન્મેલા શાહ હાલ ક્રિમિનલ ડિવિઝનના વડા તરીકે સેવા બજાવે છે. તેઓ વર્ષ 2001થી નોર્ધર્ન ડિસ્ટ્રીક્ટ ઓફ ઈલીનોઈમાં સહાયક યુએસ એટર્ની હતા. વર્તમાન સમયમાં તેઓ ક્રિમિનલ ડિવિઝનના પ્રમુખ છે. આ પહેલા વર્ષ 2012 સુધી ક્રિમિનલ અપીલ્સના પ્રમુખ હતા. તેઓ વર્ષ 2008થી 2011 સુધી આર્થિક અપરાધ અને વિશેષ અભિયોજન વિભાગના ઉપપ્રમુખ પદે પણ રહી ચૂક્યા હતા.

English summary

Manish Shah, a top Indian- American prosecutor, has been confirmed by the US Senate as a federal judge in Illinois, becoming the first South Asian federal judge in President Barack Obama's home state.