આ હતો રાષ્ટ્રપતિ ટ્રમ્પના ટ્વિટર અકાઉન્ટનો પાસવર્ડ, યુવકે અંદાજો મારીને કર્યો હેક

હાલમાં જ ટ્રમ્પની સુરક્ષામાં એક મોટી ચૂક થઈ હતી જ્યાં એક યુવકે ડોનાલ્ડ ટ્રમ્પ(ડોનાલ્ડ ટ્રમ્પ)ના અકાઉન્ટને એક્સેસ કરી લીધુ.

Published: Saturday, December 19, 2020, 11:49 [IST]

America Latest News: અમેરિકાના રાષ્ટ્રપતિને દુનિયાના સૌથી વધુ શક્તિશાળી વ્યક્તિ માનવામાં આવ્યા છે. જેના કારણે તેમની સુરક્ષા પણ ઘણી વધુ કડક રહે છે. અમેરિકાની સિક્રેટ સર્વિસ રાષ્ટ્રપતિ ઉપરાંત તેમના કાર્યાલય, સોશિયલ મીડિયા અકાઉન્ટ વગેેરેની પણ સુરક્ષા કરે છે પરંતુ હાલમાં જ તેમની સુરક્ષામાં એક મોટી ચૂક થઈ હતી જ્યાં એક યુવકે ડોનાલ્ડ ટ્રમ્પ(ડોનાલ્ડ ટ્રમ્પ)ના અકાઉન્ટને એક્સેસ કરી લીધુ. હવે આ કેસ કોર્ટમાં પહોંચ્યો છે પરંતુ આ યુવકને આ કામ માટે કોઈ સજા આપવામાં નહિ આવે.

સ્ક્રીનશૉટ શેર કરી કર્યો હતો દાવો

બીબીસીના એક રિપોર્ટ મુજબ 22 ઓક્ટોબરે અમેરિકી રાષ્ટ્રપતિ ચૂંટણી અંતિમ તબક્કામાં હતી ત્યારે વિક્ટર ગેવર્સ નામના એક વ્યક્તિએ દાવો કર્યો કે તેણે રાષ્ટ્રપતિ ડોનાલ્ડ ટ્રમ્પના ટ્વિટર અકાઉન્ટને એક્સેસ કરી લીધુ છે. સાથે જ તેણેએક સ્ક્રીનશૉટ પણ શેર કર્યો. જો કે આ રીતનુ હેકિંગથી વ્હાઈટ હાઉસે ઈનકાર કર્યો હતો. ટ્વિટરે પણ તપાસ બાદ કહ્યુ કે તેમને આ બાબતે કોઈ પુરાવા મળ્યા નથી. હવે ડચ કોર્ટમાં સુનાવણી દરમિયાન આ વાત સ્પષ્ટ થઈ ગઈ કે યુવકનો દાવો સાચો હતો. સાથે જ તેણે રાષ્ટ્રપતિ ટ્રમ્પની અકાઉન્ટને એક્સેસ કરી લીધુ હતુ.

પાંચમી વારમાં મેળવી સફળતા

ગેવર્સના જણાવ્યા મુજબ તે રાષ્ટ્રપતિ ચૂંટણી દરમિયાન હાઈ પ્રોફાઈલ અમેરિકી ઉમેદવારોના ટ્વિટર અકાઉન્ટની તપાસ કરી રહ્યો હતો જેથી તેની ખામીઓ શોધી શકાય. આ દરમિયાન ટ્રમ્પનો પાસવર્ડ 'મેક અમેરિકા ગ્રેટ અમેરિકા' કેમ્પેઈન પર આધારિત 'MAGA2020' હતો. તેના જણાવ્યા મુજબ તેણે ચાર વાર કોશિશ કરી પરંતુ તે નિષ્ફળ રહ્યો. ત્યારબાદ પાંચમાં રાઉન્ડમાં તેણે ટ્રમ્પના અકાઉન્ટને અંદાજાથી પાસવર્ડ નાખીને એક્સેસ કરી લીધુ.

આ કારણે ન મળી સજા

ડચ પોલિસના જણાવ્યા મુજબ હેકરે ખુદ લૉગિન ચાલુ કર્યુ. બાદમાં તેણે પોલિસને જણાવ્યુ કે તે પાસવર્ડની ક્ષમતા ચેક કરી રહ્યો હતો કારણકે આમાં દેશના પ્રમુખનુ હિત શામેલ હતુ. બાદમાં પોલિસે એક રિપોર્ટ બનાવીને યુએસ પ્રશાસનને મોકલ્યો. ગેવર્સે પોલિસને જણાવ્યુ કે તેની પાસે ટ્રમ્પનુ અકાઉન્ટ હેક કરવાના પૂરતા પુરાવા હતા. વળી, કોર્ટમાં સરકારી વકીલે કહ્યુ કે તેમની પાસે પુરાવા પણ છે કે રાષ્ટ્રપતિના ટ્વિટર અકાઉન્ટને એક્સેસ કરવામાં આવ્યુ પરંતુ તે યુવક માટે દંડની માંગ નથી કરતા કારણકે તેનો ઈરાદો ખોટો નહોતો. વળી, ટ્વિટર આ વાતને હજુ પણ નથી માની રહ્યુ કે ગેવર્સે સામા્ય પાસવર્ડ નાખીને ટ્રમ્પના અકાઉન્ટને એક્સેસ કરી લીધુ.

Published On December 19, 2020