મહિલા દિવસે દિલ્હી ગેંગરેપ પીડિતાને સમ્માનિત કરશે અમેરિકા

Published: Tuesday, March 5, 2013, 11:41 [IST]

વોશિંગ્ટન, 5 માર્ચ: દિલ્હી ગેંગરેપની પીડિતાને આંતરરાષ્ટ્રીય મહિલા દિવસના અવસરે અમેરિકા તરફથી સમ્માનિત કરવામાં આવશે. અમેરિકાની ફર્સ્ટ લેડી મિશેલ ઓબામા પણ આ પ્રસંગે હાજરી આપશે. સમાચાર અનુસાર પીડિત પરિવારના સદસ્યોને એક વિશેષ કાર્યક્રમ દરમિયાન સમ્માનિત કરવામાં આવશે.

પેરામેડિકલની આ વિદ્યાર્થિની ઉપરાંત દુનિયાભરની અન્ય 9 બહાદુર મહિલાઓને અમેરિકા તરફથી સમ્માનિત કરવામાં આવશે. ગયા વર્ષે ડિસેમ્બરમાં આ યુવતી સાથે ચાલતી બસમાં ગેંગરેપના મામલાએ આખા દેશને હચમચાવી નાખ્યો હતો. પહેલા દિલ્હી અને બાદમાં સિંગાપૂરની એક હોસ્પિટલમાં સારવાર દરમિયાન મોત નિપજ્યું હતું.

આ મામલાના છ આરોપી છે જેમની પર સામુહિક બળાત્કાર અને હત્યાની કલમ હેઠળ કેસ ચાલી રહ્યા છે. આ ઘટના બાદ મહિલાઓની સુરક્ષાને લઇને મોટાપાયે આંદોલન ચાલ્યું હતું. લોકોના ગુસ્સાને જોઇને કેન્દ્ર સરકારે મહિલાઓ સાથે જોડાયેલા કાયદાઓમાં ફેરફાર કર્યા જેનાથી મહિલાઓની સુરક્ષા વધારી શકાય.

Published On March 5, 2013