શોપિંગ મોલમાં અંધાધૂન ફાયરિંગ, 3ના મોત

By Kumar Dushyant

Published: Monday, October 22, 2012, 15:46 [IST]

વોશિંગ્ટન, 22 ઑક્ટોબર: અમેરિકાના વિસ્કોન્સિન રાજ્યના મિલ્વોકી શહેરના એક શોપિંગ મોલમાં થયેલી અંધાધૂન ફાયરિંગમાં ત્રણ લોકોના મોત નિપજ્યાં છે. ગોળીબારની ઘટાનામાં હુમલાખોરનું પણ મૃત્યું નિપજ્યું છે. આ હુમલામાં ચાર લોકો ઘાયલ થયા હોવાના સમાચાર પ્રાપ્ત થયા છે. વિસ્કોન્સિનમાં હુમલો થયો હોવાની આ બીજી ઘટના છે. આ પહેલાં પાંચ ઓગસ્ટના રોજ અહીંના એક ગુરૂદ્રારામાં હુમલો થયો હતો જેમાં છ લોકોના મોત નિપજ્યાં હતા.

અધિકારીઓના જણાવ્યા અનુસાર આ કોઇ આતંકી હુમલો નથી. ઓળખવિધિ દરમિયાન જાણવા મળ્યું છે કે 45 વર્ષીય રૈડક્લિફ એફ નામનો હુમલાખોર હ્યુસ્ટનનો હતો.જો કે હુમલા બાદ તે મૃત અવસ્થામાં મળી આવ્યો હતો. અમેરિકન સરકાર પોલીસ મદદની માંગણી કરી રહી છે. સ્થાનિક પોલીસકર્મીઓના જણાવ્યા અનુસાર તેને બિલ્ડિંગ અંદર એક ઇપ્રોવાઇઝ્ડ એક્પ્લોઝિવ ડિવાઇસ લગાવી રાખ્યું હતું.

આ હુમલામાં ઇજા પામેલા લોકોને મિલ્વોઉકીના એક હોસ્પિટલમાં દાખલ કરવામાં આવ્યાં છે. આ ઘટનાના મુદ્દે વિસ્કોન્સિસના ગર્વનર સ્કોટ વાકરે કહ્યું છે કે કોઇપણ સંજોગોમાં અમે પીડીતોની મદદ કરીશું. આ ઘટના બાદ રિપબ્લિકન પાર્ટીના ઉપરાષ્ટ્રપતિ પદના ઉમેદવાર પૉલ રિયોને ઘટનાસ્થળે પહોંચી દુખ વ્યક્ત કર્યું હતું.

Published On October 22, 2012