રશિયન સૈનિકો યુક્રેની મહિલાઓ પર બળાત્કાર કરવા વાયગ્રાનો ઉપયોગ કરી રહ્યા છે, UNના દૂત પ્રમિલા પેટનનો ચૌકાવનારો

રશિયા અને યુક્રેન વચ્ચે ચાલી રહેલા યુદ્ધ વચ્ચે યુક્રેનની મહિલાઓ અને બાળકોના યૌન શોષણના અહેવાલો સામે આવી રહ્યા છે.

By Desk

Published: Sunday, October 16, 2022, 20:49 [IST]

રશિયા અને યુક્રેન વચ્ચે ચાલી રહેલા યુદ્ધ વચ્ચે યુક્રેનની મહિલાઓ અને બાળકોના યૌન શોષણના અહેવાલો સામે આવી રહ્યા છે. હવે ફરી એકવાર યુએનના રાજદૂત પ્રમિલા પેટને આ વાતની પુષ્ટિ કરી છે અને દાવો કર્યો છે કે યુક્રેનની મહિલાઓ પર બળાત્કાર થઈ રહ્યો છે અને આ જાતીય હિંસા રણનીતિનો ભાગ છે. પ્રમિલા પેટને એએફપીને જણાવ્યું કે, યુક્રેનમાં રશિયન સૈન્ય દ્વારા બળાત્કાર, જાતીય હિંસા અને અમાનવીય વ્યવહાર રશિયાની લશ્કરી વ્યૂહરચનાનો એક ભાગ છે.

રશિયન સૈનિકો દ્વારા વાયગ્રાનો ઉપયોગ

પ્રમિલા પેટને એ પણ દાવો કર્યો છે કે, રશિયન સૈનિકો યુક્રેનમાં મહિલાઓ પર બળાત્કાર કરવા માટે વાયગ્રાનો ઉપયોગ કરી રહ્યા છે. પ્રમિલા પેટને જણાવ્યું કે, જ્યારે મહિલાઓને બંધક બનાવીને દિવસો સુધી બળાત્કાર કરવામાં આવે છે, જ્યારે નાના છોકરાઓ અને પુરુષો સાથે બળાત્કાર કરવાનું શરૂ કરે છે, જ્યારે તમે પ્રાઇવેટ પાર્ટને ઇજાની ઘટનાઓ જુઓ છો, જ્યારે તમે મહિલાઓને વાયગ્રાથી સજ્જ રશિયન સૈનિકો વિશે જુબાની આપતા સાંભળો છો, ત્યારે તેનો સ્પષ્ટ અર્થ થાય છે કે આ લશ્કરી રણનીતિ નો ભાગ છે.

4 થી 82 વર્ષની વયની મહિલાઓ સાથે જાતીય હિંસા

પ્રમિલા પેટને કહ્યું કે યુક્રેનની મહિલાઓ પર બળાત્કારના સમાચાર યુદ્ધના ત્રણ દિવસ પછી પહેલીવાર આવ્યા હતા. પેટનના જણાવ્યા અનુસાર, યુનાઇટેડ નેશન્સે ફેબ્રુઆરી 2022 સુધીમાં યુક્રેનમાં બળાત્કારના સોથી વધુ કેસોની ચકાસણી કરી છે. પેટને કહ્યું કે અત્યાર સુધી મેળવેલ ડેટા સૂચવે છે કે, જાતીય હિંસાનો ભોગ બનેલા લોકો 4 થી 82 વર્ષની વય વચ્ચેના છે. આ પીડિતોમાં મોટાભાગની મહિલાઓ અને છોકરીઓ છે, પરંતુ પુરુષો અને કેટલાક કિશોરો સાથે સંકળાયેલી જાતીય હિંસાના કિસ્સાઓ પણ નોંધાયા છે.

પુતિન રણનીતિ બનાવી મહિલાઓ અને બાળકોને નિશાન બનાવી રહ્યા છે

જણાવી દઈએ કે, આ પહેલા યુક્રેનના વિદેશ મંત્રી દિમિત્રો કુલેબાએ માર્ચમાં કહ્યું હતું કે રશિયન સૈનિકો યુક્રેનની મહિલાઓ સાથે બળાત્કારની ઘટનાઓને અંજામ આપી રહ્યા છે. યુક્રેનના ચાર સાંસએદો લેસિયા વાસિલેન્કો, એલોના શ્ક્રમ, મારિયા મેઝેન્ટસેવા અને ઓલેના ખોમેન્કોએ અહેવાલ આપ્યો હતો કે, યુક્રેને આત્મસમર્પણ ન કરતા પુતિન જાણીજોઈને મહિલાઓ અને બાળકોને નિશાન બનાવી રહ્યા છે. કેનેડામાં યુક્રેનના રાજદૂતે પણ રશિયન સૈનિકો પર જાતીય હિંસાનો આરોપ લગાવ્યો હતો. તેમણે કહ્યું કે રશિયા જાતીય હિંસાનો ઉપયોગ યુદ્ધના હથિયાર તરીકે કરી રહ્યું છે.

Published On October 16, 2022