ટાઇમ પર્સન ઓફ ધ યર: માઇલી સામે માઇલેજ મેળવી શકશે મોદી?

ન્યૂ યોર્ક, 27 નવેમ્બર: ટાઇમ મેગેઝિનના પર્સન ઓફ ધ યર ટાઇટલ માટે ભારતીય જનતા પાર્ટીના વડાપ્રધાન પદના ઉમેદવાર નરેન્દ્ર મોદી ઓનલાઇન પોલમાં ત્રીજા નંબર પર સરી ગયા છે. તેમને પોપ ગાયિકા માઇલી સાયરસ અને અમેરિકન ગુપ્તચર પ્રોગ્રામ 'પ્રિઝમ'નો પર્દાફાસ કરનારા એડવર્ડ સ્નોડેન તરફથી જોરદાર ટક્કર મળી રહી છે. ઓનલાઇન પોલમાં મોદી પર હાલમાં માઇલી અને સ્નોડેન ભારી પડી રહ્યા છે. અત્રે નોંધનીય છે કે આ સૂચિમાં નરેન્દ્ર મોદી જ એક માત્ર ભારતીય છે.

27 નવેમ્બર સુધીના પોલ રિઝલ્ટમાં સાઇરસ 29 ટકા વોટ સાથે નંબર વન પર છે, જ્યારે એડવર્ડ સ્નોડેન 13.9 ટકા સાથે બીજા સ્થાને અને નરેન્દ્ર મોદી 13.4
ટકા વોટ સાથે ત્રીજા સ્થાને ચાલી રહ્યા છે. ચોથા નંબર પર સીરિયાના રાષ્ટ્રપતિ બસ અલ અસદ અને પાંચમાં નંબર પર 7.3 ટકા વોટની સાથે રશિયાના રાષ્ટ્રપતિ વ્લાદીમિર પુતિન ચાલી રહ્યા છે. પહેલા દિવસની વાત કરીએ તો ઓનલાઇન પોલમાં 25 ટકા એટલે કે 2650 વોટ મળ્યા હતા, ત્યારે નરેન્દ્ર મોદી ટોપ પોજિશન પર હતા, પરંતુ બે દિવસમાં સ્થિતિ બદલાઇ ગઇ છે.

ટાઇમ પર્સન ઓફ ધ યર માટે ઓનલાઇન વોટિંગ 4 ડિસેમ્બર સુધી જારી રહેશે. આના આધારે વિજેતાએ ચૂંટણી 6 ડિસેમ્બરના રોજ કરવામાં આવશે. ટાઇમના સંપાદક પર્સન ઓફ ધ યરની પસંદગી કરશે અને આની જાહેરાત 11 ડિસેમ્બરના રોજ થશે.

આ ઉપાધિને પ્રાપ્ત કરવાની દૌડમાં ટાઇમ મેગેઝિન દ્વારા સામેલ કરવામાં આવેલા અન્ય ઉમેદવારોમાં જાપાનના વડાપ્રધાન શિંઝો એબે, અમેરિકન રાષ્ટ્રપતિ બરાક ઓબામા, પાકિસ્તાનની કિશોરી શિક્ષણ કાર્યકર્તા મલાલા યૂસુફજઇ, અમેઝનના સીઇઓ જૈફ બિઝોસ અને એનએસએ વ્હિસ્લ બ્લોઅર એડવર્ડ સ્નોડેનનો સમાવેશ થાય છે. પત્રિકાએ બ્રિટિશ તખ્તના નવા રાજકુમાર પ્રિન્સ જ્યોર્જનો પણ આ યાદીમાં સમાવેશ કર્યો છે.

મોદી અંગે ટાઇમે જણાવ્યું કે વિવાદાસ્પદ હિન્દુ રાષ્ટ્રવાદી અને ભારતીય રાજ્ય ગુજરાતના મુખ્યમંત્રી ભારતની સત્તારૂઢ પાર્ટી કોંગ્રેસને ઉખાડી ફેંકવા માટે સંભવિત ઉમેદવાર છે. આ સૂચિમાં સામેલ કરવામાં આવેલ નરેન્દ્ર મોદી એકમાત્ર ભારતીય છે.

English summary

There is race between Narendra Modi, Miley Cyrus and Edward Snowden in Time's person of the year poll.