પાક.એ ફરી કર્યું યુદ્ધવિરામનું ઉલ્લંઘન

Published: Thursday, October 18, 2012, 19:00 [IST]

જમ્મૂ, 18 ઓક્ટોબર: યુદ્ધવિરામનું ફરી એકવખત ઉલ્લંઘન કરતા પાકિસ્તાની સૈનિકોએ જમ્મૂ-કાશ્મીરના પુંછ સેક્ટરમાં બોર્ડર પર આવેલી ભારતીય ચોકીયો પર ગોળીબાર કર્યો છે.

સેનાના અધિકારીયોએ આજે જણાવ્યું કે પાકિસ્તાની સૈનિકોએ ગઇકાલે રાત્રે પુંછ ક્ષેત્રમાં ગોત્રિયા અને મનકોટા ચોકીયો પર નાના હથિયારોથી ગોળીબાર કર્યો હતો. ભારતીય જવાનોએ આ ગોળીબારનો જવાબ ગોળીબારી કરીને આપ્યો હતો. જોકે આ ગોળીબારમાં કોઇ જાનહાની થઇ નથી.

જમ્મૂ-કાશ્મીરના મુખ્યમંત્રી ઉમર અબ્દુલ્લાએ ગઇકાલે પાકિસ્તાનથી યુદ્ધવિરામનો સન્માન કરવાનું જણાવ્યું હતું. તેમણે એ પણ જણાવ્યું હતું કે બંદૂક કોઇપણ સમસ્યાનું સમાધાન નથી. પાકિસ્તાન બે મહિનામાં 23 વખત યુદ્ધવિરામનું ઉલ્લંઘન કરી ચૂક્યું છે.

Published On October 18, 2012