UNGA: ભારતનો પલટવાર, કહ્યું- નવા પાકિસ્તાનને સાંભળવા આવ્યા હતા પણ કંઈ ન મળ્યું

ન્યૂયોર્કઃ પાકિસ્તાનના વિદેશમંત્રી શાહ મહમૂદ કુરૈશી દ્વારા સંયુક્ત રાષ્ટ્ર મહાસભામાં કરવામાં આવેલ સંબોધન દરમિયાન લગાવવામાં આવેલ આરોપોનો ભારતે ઝડબાતોડ જવાબ આપ્યો છે. રાઈટ ટૂ રિપ્લાઈના અધિકારનો ઉપયોગ કરતા સંયુક્ત રાષ્ટ્ર મિશનમાં ભારતના દૂત એનમ ગંભીરે મહાસભા સમક્ષ પાકિસ્તાનની સાચી તસવીર રજૂ કરતા પાકિસ્તાને લગાવેલ તમામ આરોપો નકારી દીધા છે. એનમ ગંભીરે કહ્યું કે પાકિસ્તાન ભલે રટતું રહે કે તેમણે આતંકવાદ પર કાબુ મેળવી લીધો છે, પરંતુ હકિકત તો એ છે કે આજે પણ પાકિસ્તાનમાં ખુલ્લેઆમ આતંકવાદીઓ ફરી રહ્યા છે અને આતંકવાદીઓ ત્યાં ચૂંટણી પણ લડી રહ્યા છે.

Rejecting Pakistan Foreign Minister Qureshi’s statement against India at United Nations General Assembly, Eenam Gambhir, India's First Secretary in Permanent Mission of India to UN, has said, "New Pakistan cast in the mold of the old"

Read @ANI story | https://t.co/LQYj0zGSxp pic.twitter.com/ir5k89Tdw8

— ANI Digital (@ani_digital) September 30, 2018

જમ્મુ-કાશ્મીર ભારતનો ભાગ છે અને હંમેશા રહેશે

ગંભીરે સખ્તાઈથી કહ્યું કે અમને આજે પણ જૂનું પાકિસ્તાન જ સાંભળવા મળી રહ્યું છે, નવા પાકિસ્તાનનું નામ સાંભળીને લાગ્યું હતું કે લગભગ કંઈક નવી વસ્તુઓ સાંભળવા મળશે પરંતુ આજે પણ પાકિસ્તાન એજ વાતો કરી રહ્યું છે જે પહેલેથી કરતું આવ્યું છે. પાકિસ્તાનની નવી સરકારને અમે સ્પષ્ટ કહેવા માંગીએ છીએ કે જમ્મુ-કાશ્મીર ભારતનો ભાગ હતો, છે અને હંમેશા રહેશે.

New Foreign Min of Pak chose to term the gruesome killing of our security personnel by Pak sponsored terrorists as flimsy grounds. While it may not be the case for Pakistan, for India every loss of life counts. Hence our belief that talks&terror can't go together: E Gambhir #UNGA pic.twitter.com/hZU7Q1rVa3

— ANI (@ANI) September 30, 2018

પાકિસ્તાન વિદેશ મંત્રાલય ખોટું બોલી રહ્યું છે

ગંભીરે કહ્યું કે પાકિસ્તાન દ્વારા એમ કહીને નિરાધાર આરોપ લગાવવામાં આવી રહ્યા છે કે નવી દિલ્હી ઈસ્લામાબાદમાં આતંકી ગતિવિધિઓને પ્રોત્સાહન આપી રહ્યું છે. કુરૈશીએ પોતાના ભાષણમાં કહ્યું હતું કે 2014માં પેશાવર સ્કૂલ પર થયેલ આતંકવાદી હુમલામાં ભારતનો પણ કથિત રીતે હાથ હતો. પેશાવરની સ્કૂલમાં આતંકી હુમલાની ભારતે નિંદા કરી હતી. ભારતીય સંસદના બંને સદનમાં આ વાતનું દુઃખ જતાવી મૌન રાખવામાં આવ્યું હતું. પાકિસ્તાની વિદેશ મંત્રાલય પેશાવર હુમલામાં મરેલ બાળકોનું અપમાન કરી રહ્યું છે.

Can Pakistan deny that it's the host&patron of 132 of the UN designated terrorists&22 terrorist entities sanctioned under the 1267&1988 UN Security Council Sanctions regime as of today?: E Gambhir, India's First Secretary in the Permanent Mission of India to the UN at the #UNGA pic.twitter.com/cd0H3hgkBI

— ANI (@ANI) September 30, 2018

પાકિસ્તાનમાં હાફિઝ સઈદ ખુલ્લેઆમ ફરી રહ્યો છે

ગંભીરે કહ્યું કે પાકિસ્તાન આ સચ્ચાઈને નકારી શકે છે કે તે પોતાને ત્યાં સંયુક્ત રાષ્ટ્ર દ્વારા આતંકી યાદીમાં સામેલ 132 આતંકવાદીઓ અને 22 આતંકી સંગઠનોને પોતાને ત્યાં સાચવી રહ્યા છે? શું પાકિસ્તાન આ વાતનો ઈનકાર કરશે કે સંયુક્ત રાષ્ટ્ર દ્વારા નામિત આતંકવાદી હાફિઝ સઈદ પાકિસ્તાનમાં ખુલ્લેઆમ ફરી રહ્યો છે, નફરત ફેલાવે છે અને ચૂંટણીમાં ઉમેદવાર પણ ઉભા કરે છે?

The despicable insinuation made by Pak Foreign Min dishonours memory of innocent lives lost to terrorists that day. It's a desperate attempt to look away from monster of terror that Pak itself created in its quest to destabilise its neighbours&covet their territory: Eenam Gambhir pic.twitter.com/CwVrRW7H0g

— ANI (@ANI) September 30, 2018

માનવાધિકાર પર પાકિસ્તાનની પોલંપોલ

એનમ ગંભીરે વધુ કહ્યું કે અમે એ પણ જોયું કે, નવું પાકિસ્તાન માનવાધિકાર વિશે વાત કરે છે પરંતુ આ વાતો પણ ખોખલી જ હોય છે. પ્રિંસટનના અર્થશાસ્ત્રી આતિફ મિયાંના ઉદાહરણથી આ વાતને સમજી શકાય છે. એમને ઈકોનોમિક એડવાઈઝરી કાઉન્સિલથી માત્ર એટલા માટે હટાવવામાં આવ્યો છે કેમ કે તે લઘુમતીથી સંબંધ ધરાવે છે.
આ પણ વાંચો- 3 મહિનાની દીકરી સાથે ન્યૂઝીલેન્ડ પીએમ પહોંચ્યા યુએન, રચ્યો ઈતિહાસ

English summary

Rejecting Pakistan Foreign Minister Qureshi’s statement against India at United Nations General Assembly, Eenam Gambhir, India's First Secretary in Permanent Mission of India to UN, has said, "New Pakistan cast in the mold of the old"