વ્હાર્ટન ઇન્ડિયા ઇકોનોમિક ફોરમમાં ભાષણ આપશે નરેન્દ્ર મોદી

Updated: Friday, February 13, 2015, 15:21 [IST]

વોશિંગ્ટન, 1 માર્ચ: ગુજરાતના મુખ્યમંત્રી નરેન્દ્ર મોદી માર્ચમાં ફિલાડેલ્ફિયામાં યોજાનાર વ્હાર્ટન ઇન્ડિયા ઇકોનોમિક ફોરમની બેઠકમાં પ્રમુખ વક્તાઓમાં સામેલ થશે. આયોજકોએ જણાવ્યું કે ભાજપાના નેતા નરેન્દ્ર મોદી આ બેઠકમાં વીડિયોકોન્ફ્રેન્સ દ્વારા ભાષણ આપશે.

આયોજનપંચે ઉપાધ્યક્ષ મોન્ટેકસિંહ આહલુવાલિયા પણ 23 માર્ચના રોજ યોજાનાર આ બેઠકને સંબોધિત કરશે. વ્હાર્ટન ઇન્ડિયા ઇકોનોમિક ફોરમ પેન્સિલ્વેનિયા વિશ્વવિદ્યાલયના વ્હાર્ટન સ્કૂલના વિદ્યાર્થીઓ દ્વારા આયોજિત ભારત કેન્દ્રીત સમ્મેલન છે.

સોળ વર્ષ પહેલા થયેલી સ્થાપના બાદથી હવે આ સૌથી ફેમસ ભારત કેન્દ્રિત વ્યાવસાયિક સમ્મેલન બન્યો છે, જે ભારતમાં ઉપલબ્ધ અવસરો અને પડકારો પર ચર્ચા કરવાની તક આપે છે.

આ બેઠકને કેન્દ્રીય સૂચના પ્રૌદ્યોગિકી અને સંચાર રાજ્યમંત્રી મિલિંદ દેવરા, અદાણી સમૂહના અધ્યક્ષ ગૌતમ અદાણી, અભિનેત્રી શબાના આઝમી, અને પટકથા લેખક જાવેદ અખ્તર પણ સંબોધીત કરશે.