ટાઇમ 'પર્સન ઓફ ધ યર' માટે મોદી શોર્ટલિસ્ટેડ, લીડરબોર્ડમાં સૌથી આગળ

Updated: Tuesday, November 26, 2013, 17:16 [IST]

ન્યૂયોર્ક, 26 નવેમ્બર: ભાજપ તરફથી વડાપ્રધાન પદના ઉમેદવાર બનેલા નરેન્દ્ર મોદીનું નામ ટાઇમ મેગેઝિને 'પર્સન ઓફ ધ યર' માટે 42 નેતાઓની સૂચિમાં સામેલ કર્યું છે. ટાઇમ મેગેઝિને આખી દુનિયામાંથી આ ઉપાધિ માટે 42 નેતાઓ, ઉદ્યમીઓ અને સેલિબ્રિટીઓની પસંદગી કરવામાં આવી છે અને ટાઇમ તેના વિજેતાની જાહેરાત આવતા મહિને કરશે.

આ ઉપાધિને પ્રાપ્ત કરવાની દૌડમાં ટાઇમ મેગેઝિન દ્વારા સામેલ કરવામાં આવેલા અન્ય ઉમેદવારોમાં જાપાનના વડાપ્રધાન શિંઝો એબે, અમેરિકન રાષ્ટ્રપતિ બરાક ઓબામા, પાકિસ્તાનની કિશોરી શિક્ષણ કાર્યકર્તા મલાલા યૂસુફજઇ, અમેઝનના સીઇઓ જૈફ બિઝોસ અને એનએસએ વ્હિસ્લ બ્લોઅર એડવર્ડ સ્નોડેન છે. પત્રિકાએ બ્રિટિશ તખ્તના નવા રાજકુમાર પ્રિન્સ જ્યોર્જનો પણ સમાવેશ કર્યો છે.

મોદી અંગે ટાઇમે જણાવ્યું કે વિવાદાસ્પદ હિન્દુ રાષ્ટ્રવાદી અને ભારતીય રાજ્ય ગુજરાતના મુખ્યમંત્રી ભારતની સત્તારૂઢ પાર્ટી કોંગ્રેસને ઉખાડી ફેંકવા માટે સંભવિત ઉમેદવાર છે. આ સૂચિમાં સામેલ કરવામાં આવેલ નરેન્દ્ર મોદી એકમાત્ર ભારતીય છે.

'પર્સન ઓફ ધ યર'ની પસંદગી જોકે ટાઇમના તંત્રીઓ દ્વારા કરવામાં આવે છે પરંતુ આમાં વાચકોને પણ પોતાનો મત આપવાનું કહેવામાં આવ્યું છે. આ વર્ષે સૌથી વધારે ચર્ચામાં રહેલી વ્યક્તિ પર પસંદગીની મહોર મારવામાં આવશે. અત્યાર સુધી નરેન્દ્ર મોદીને 16,122 વોટ મળી ચૂક્યા છે અને નરેન્દ્ર મોદી લીડર બોર્ડ પર 5.8 ટકા મત સાથે બીજા નંબર પર આવી ગયા છે. મોદી સવારથી લીડ કરી રહ્યા હતા પરંતુ એનએસએના લીકર એડવર્ડ સ્નોડેને 225,639 મત મેળવીને મોદીને પાછળ કરી દીધા છે. નરેન્દ્ર મોદીને વોટિંગ કરવા માટે અહીં ક્લિક કરો

બે વખત આ ઉપાધિ માટે પસંદ કરવામાં આવેલા અમેરિકન મેગેઝિને એવું કહીને સૂચિમાં સામેલ કર્યા છે કે રાષ્ટ્રપતિનું બીજું કાર્યકાળ તેમની ખૂદને જ પહોંચાડવામાં આવેલી ઇજા અને અધૂરા વાયદાઓની સાથે શરૂ થયું છે. સીરીયાઇ રાષ્ટ્રપતિ બશર અસદ પણ દાવેદારોમાં સામેલ છે.

સ્લાઇડરમાં જુઓ ટાઇમની 'પર્સન ઓફ ધ યર'ની સૂચિમાં પસંદગી પામેલી હસ્તીઓ...