જો બિડેન પર વિફર્યા કિમ જોંગ, અમેરિકાને બરબાદ કરવાની આપી દીધી ચેતવણી

Published: Sunday, May 2, 2021, 14:33 [IST]

અમેરિકાએ નોર્થ કોરિયાને USA માટે ખતરો શું ગણાવ્યો કે નોર્થ કોરિયાએ અમેરિકાને બરબાદ કરી નાખવાની ધમકી આપી દીધી. નોર્થ કોરિયાએ કહ્યું કે અમેરિકાના પ્રેસિડેન્ટે નોર્થ કોરિયાને સુરક્ષા માટે ખતરો ગણાવી એક મોટી ભૂલ કરી છે, જેની કિંમત અમેરિકાએ ચૂકવવી પડશે. નોર્થ કોરિયાએ અમેરિકાને બરબાદ કરી નાખવાની ધમકી આપી દીધી છે.

અમેરિકાને આપી ધમકી

નોર્થ કોરિયાના સનકી તાનાશાહ કિમ જોંગે અમેરિકાને બરબાદ કરવાની ધમકી આપી છે. નોર્થ કોરિયાએ પોતાના નિવેદનમાં કહ્યું કે અમેરિકાના પ્રેસિડેન્ટ જો બિડેને નોર્થ કોરિયાને અમેરિકાની સુરક્ષા માટે ખતરો ગણાવી પુતાના શત્રુતાના વલણને વ્યક્ત કર્યું છે, જે એક મોટી ભૂલ છે અને તેની કિંમત અમેરિકાએ ચૂકવવી પડશે. નોર્થ કોરિયાનું નિવેદન એવા સમયે આવ્યું જ્યારે કેટલાય રિપોર્ટમાં કહેવામાં આવ્યું કે અમેરિકા નોર્થ કોરિયાના રાષ્ટ્રધ્યક્ષ કિમ જોંગ ઉન સાથે વાત કરવા માંગે છે પરંતુ કિમ જોંગ ઉન વાત કરવા માટે તૈયાર નથી થઈ રહ્યા. નોર્થ કોરિયાના વિદેશ મંત્રાલયના વરિષ્ઠ અધિકારી ક્વોન જોંગ ગુને એક નિવેદનમાં કહ્યું કે, અમેરિકાના પ્રેસિડેન્ટ જો બિડેનનું નિવેદન સ્પષ્ટ જણાઈ રહ્યું છે કે તેઓ ઉત્તર પ્રદેશને લઈ દુશ્મનીની નીતિ પર જ આગળ વધવા માંગે છે, જેમ કે અમેરિકા સતત કરતું આવ્યું છે અને આ સ્પષ્ટ છે કે પ્રેસિડેન્ટ જો બિડેને બહુ મોટી ભૂલ કરી દીધી છે.

જો બિડેને શું કહ્યું હતું?

અમેરિકાના પ્રેસિડેન્ટ જો બિડેને થોડા દિવસો પહેલાં નોર્થ કોરિયાને લઈ સખ્ત નિવેદન આપ્યું હતું. પાછલા અઠવાડિયે અમેરિકી સંસદમાં નિવેદન આપતાં જો બિડેને કહ્યું હતું કે ઈરાન અને નોર્થ કોરિયાના પરમાણુ કાર્યક્રમ અમેરિકાની સુરક્ષા માટે ખતરો છે અને અમેરિકા કેટલાય મોટાં પગલાં ઉઠાવી પોતાના સહયોગિઓની મદદથી આ સંકટથી નિપટશે. જેનું દબાણ આપતાં નોર્થ કોરિયાએ કહ્યું કે નોર્થ કોરિયાની નીતિ હવે સંપૂર્ણપણે સ્પષ્ટ છે કે અમે પણ એવી જ રીતે જવાબી કાર્યવાહી કરશું અને સમય આવવા પર અમેરિકાએ કેટલી મોટી ભૂલ કરી તે ખબર પડી જશે. જો કે નોર્થ કોરિયાએ આગામી સમયમાં અમેરિકા સામે શું કાર્યવાહી કરશે તે સ્પષ્ટ નથી કર્યું.

અમેરિકાની અવગણના

જણાવી દઈએ કે માર્ચ મહિનામાં સીએનએને રિપોર્ટ આપ્યો હતો કે નોર્થ કોરિયાના તાનાશાહ અધ્યક્ષ કિમ જોંગ ઉન સાથે અમેરિકાએ સંપર્ક સાધવાની કોશિશ કરી હતી પરંતુ તેમને કોઈ જવાબ નહોતો મળ્યો. પ્રેસિડેન્ટ જો બિડેન પ્રશાસનના અધિકારીઓએ સમાચાર એજન્સી રોયટર્સને જણાવ્યું કે યૂનાઈટેડ નેશંસના પ્યોંગયાંગ મિશનને લઈને પણ કિમ જોંગ ઉન અમેરિકી અધિકારીઓ સાથે વાત કરવા તૈયાર નથી.

Published On May 2, 2021