કાબુલમાં સૈન્ય હૉસ્પિટલમાં આતંકી હુમલો, 19ના મોત, 50 ઘાયલ

અફઘાનિસ્તાનમાં એક વાર ફરીથી મોટા આતંકવાદી હુમલાના સમાચાર સામે આવ્યા છે.

Published: Wednesday, November 3, 2021, 8:24 [IST]

કાબુલઃ અફઘાનિસ્તાનમાં એક વાર ફરીથી મોટા આતંકવાદી હુમલાના સમાચાર સામે આવ્યા છે. રિપોર્ટ મુજબ કાબુલ સ્થિત મિલિટ્રી હૉસ્પિટલમાં આતંકવાદીઓ બૉમ્બ ધમાકા અને ગોળીબાર કર્યો છે. આ હુમલામાં 19 લોકોના માર્યા ગયાના સમાચાર છે જ્યારે લગભગ 50 લોકો ઘાયલ થયા છે. ઈસ્લામિક સ્ટેટે આ હુમલાની નિંદા કરી છે. નોંધનીય વાત એ છે કે અફઘાનિસ્તાનમાં તાલિબાનનુ શાસન થયા બાદ સતત આ પ્રકારના હુમલા સામે આવી રહ્યા છે જેમાં ઘણા લોકો પોતાનો જીવ ગુમાવી ચૂક્યા છે.

રિપોર્ટ મુજબ હૉસ્પિટલમાં બે મોટા ધમાકા થયા. સરદાર મોહમ્મદ દાઉદ ખાન મિલિટ્રી હૉસ્પિટલમાં બૉમ્બ ધમાકા બાદ ભારે ગોળીબાર પણ કરવામાં આવ્યો. તાલિબાનના અધિકારીઓનુ કહેવુ છે કે આત્મઘાતી દળે પહેલા અહીં બૉમ્બ ધમાકો કર્યો અને ત્યારબાદ પાછળથી ગોળીબાર કરવામાં આવ્યો. હૉસ્પિટલમાં એક આરોગ્યકર્મી જે બચી ગયો તેણે જણાવ્યુ કે મે મોટો વિસ્ફોટ સાંભળ્યો તેની થોડી મિનિટ બાદ ગોળીબાર શરૂ થઈ ગયો. લગભગ 10 મિનિટ બાદ અહીં બીજો બૉમ્બ ધમાકો થયો.

Published On November 3, 2021