અમેરિકામાં ભારતીય છાત્ર પર ચાકૂથી જાનલેવા હુમલો, સ્થિતિ ગંભીર, પોલિસે આરોપીને પકડ્યો

Indian student stabbed in US: અમેરિકામાં ફરી એકવાર એક ભારતીય વિદ્યાર્થી પર જીવલેણ હુમલો કરવામાં આવ્યો છે. અમેરિકન મીડિયાના અહેવાલો અનુસાર, અમેરિકન રાજ્ય ઇન્ડિયાનામાં 24 વર્ષીય ભારતીય વિદ્યાર્થી પર છરીથી હુમલો કરવામાં આવ્યો છે, જેની હાલત નાજુક હોવાનું કહેવાય છે.

NWIU ટાઈમ્સના અહેવાલ મુજબ ભારતીય વિદ્યાર્થી વરુણને 24 વર્ષીય હુમલાખોર જૉર્ડન એન્ડ્રેડે રવિવારે સવારે ઈન્ડિયાનાના વાલપરાઈસોમાં એક જાહેર જીમમાં ચાકૂથી હુમલો કરી દીધો હતો, જેની સત્તાવાળાઓ હજુ પણ તપાસ કરી રહ્યા છે.

ઘટના બાદ, હુમલાખોરની ધરપકડ કરવામાં આવી હતી અને તેના પર ઘાતક હથિયાર વડે હુમલો અને હત્યાના પ્રયાસનો આરોપ મૂકવામાં આવ્યો હતો. રિપોર્ટમાં કહેવામાં આવ્યું છે કે હિંસક હુમલા બાદ વરુણની હાલત નાજુક હોવાનું કહેવાય છે.

અહેવાલ મુજબ, "વરુણ પર હુમલાખોર દ્વારા છરી વડે હુમલો કરવામાં આવ્યો હતો. તેની ઇજાઓની ગંભીરતાને કારણે, તેને આખરે ફોર્ટ વેઇન હૉસ્પિટલમાં એરલિફ્ટ કરવામાં આવ્યો હતો અને અહેવાલ મુજબ તેના બચવાની શૂન્યથી પાંચ ટકા શક્યતા છે."

પોલીસે કહ્યું કે, "એન્ડ્રેડે ત્યારે (એ વ્યક્તિને) પોતાના માટે ખતરો ગણાવ્યો, તેથી તેણે 'માત્ર પ્રતિક્રિયા આપી', તેણે વિચાર્યું કે વરુણ તેના પર હુમલો કરવાનો છે, તેથી તેણે તેના પર પ્રતિક્રિયા રુપે હુમલો કર્યો.'' પોલીસે જણાવ્યું હતું કે તેમને કાઉન્ટર પર લોહીનો મોટો પૂલ અને ફોલ્ડિંગ છરી મળી આવી હતી. ફોલ્ડિંગ છરી એન્ડ્રેડની હતી, જેનો ઉપયોગ તે મેનાર્ડ્સ સ્ટોરમાં બ\ક્સ ખોલવા માટે કરતો હતો.

English summary

Indian student stabbed in America, Condition critical.