હિલેરી-ઓબામાને ગુપ્તાંગમાં ગોળી મારી દેવી જોઇએ: RJ

Published: Sunday, May 19, 2013, 17:48 [IST]

વોશિંગ્ટન, 19 મે : અમેરિકાના એક રેડિયો હોસ્ટે પોતાના જ દેશના નેતાઓની સામે કેટલીક એવી ટિપ્પણી કરી દીધી છે કે જેનાથી વિવાદ સર્જાયો છે. આ રેડિયો હોસ્ટે હિલેરી ક્લિન્ટન અને બરાક ઓબામાને મોતની એવી સજા આપવાની વાત કરી છે કે જે લગભગ જ કોઇએ સાંભળી હશે. આ હોસ્ટે કહ્યું કે બંનેના ગુપ્તાંગ પર ગોળી મારી દેવી જોઇએ.

આ રેડિયો હોસ્ટનું નામ છે પીટ સૈંટિલી. પોતાની વેબસાઇટ પર એક શો હોસ્ટ કરતા સૈંટિલીએ આ વાત કહીં. સૈંટિલીએ આ નેતાઓને અમેરિકન સૈનિકોના હત્યારા ગણાવ્યા. તેણે કહ્યું કે આ નેતા અમેરિકન સૈનિકોની હત્યામાં સામેલ છેય

સૈંન્ટિલીએ કહ્યું કે હું આ શોને નેશનલ સિંડિકેશન પર લઇ જવા માટે તૈયાર છું, જો એફસીસી દ્વારા રેગ્યુલેટ કરવામાં આવનાર રેડિયો સ્ટેશન મારી સત્યતા અને ઇમાનદારીને હેન્ડલ કરી શકે તો.

પીટે પોતાના શો દરમિયાન કહ્યું કે હિલેરી ક્લિન્ટન પર કેસ ચલાવવો જોઇએ અને દોષી સાબિત કરવી જોઇએ. ત્યારબાદ તેમના ગુપ્તાંગમાં ગોળી મારીને મારી નાખવી જોઇએ. પીટે અહીં સુધી કહી દીધું કે ટ્રિગર તે ખુદ દબાવવા માગે છે. પીટે 11 સપ્ટેમ્બર 2012ના લીબિયામાં યૂએસના વાણિજ્ય દૂતાવાસ પર હુમલા માટે પણ હિલેરીની ટીકા કરી.

પીટે કહ્યું કે હું પોતે તેમને ગોળી મારવા માંગુ છું, અને એટલું જ નહીં. હું તેમની આંખોમાં દર્દ મહેસૂસ કરવા માગું છું. બરાક ઓબામાં પર પણ કેસ થવો જોઇએ અને દોષી સિદ્ધ કરવા તેમને પણ ગોળી મારી દેવી જોઇએ. પીટે છેલ્લે કહ્યું કે જો કોઇને આનાથી સમસ્યા હોય તો તે અમેરિકાના દુશ્મન છે. આ સમાચાર huffingtonpost દ્વારા પબ્લિશ કરાયા છે.

Published On May 19, 2013