નિર્દયી હમાસ આતંકવાદીઓએ 9 મહિનાના બાળકને બંધક બનાવ્યું!

ઇઝરાયેલ-હમાસ યુદ્ધનો આજે 39મો દિવસ છે. યુદ્ધમાં અત્યાર સુધીમાં લગભગ 11 હજાર 200 ફિલિસ્તીનિયો મોત થયા છે, જ્યારે ઈઝરાયેલમાં લગભગ 1200 લોકોએ જીવ ગુમાવ્યા છે. 7 ઓક્ટોબરથી શરૂ થયેલા આ યુદ્ધ દરમિયાન હમાસના લડવૈયાઓએ લગભગ 240 લોકોને બંધક બનાવ્યા હતા. જેમાં 32 બાળકોનો પણ સમાવેશ થાય છે.

હવે સમાચાર આવી રહ્યા છે કે બંધક બનાવવામાં આવેલા બાળકોમાં સૌથી નાનો બાળક માત્ર 10 મહિનાનો છે. આ બાળકનું નામ કેફિર બિબાસ છે જેનું માત્ર 9 મહિનાની ઉંમરે અપહરણ કરવામાં આવ્યું હતું. આ બાળકને તેના પરિવાર સાથે બંધક બનાવવામાં આવ્યો હતો.

મળતી માહિતી પ્રમાણે, કેફિર બિબાસ દક્ષિણ ઈઝરાયલના કિબુત્ઝમાં પોતાના ચાર વર્ષ મોટા ભાઈ અને માતા-પિતા સાથે રહેતો હતો. જે બાળક હજી ઘૂંટણીયે ચાલતાં માંડ શીખ્યું હોય તે બાળકને આતંકવાદીઓએ બંધક બનાવી લીધું હતું.

7 ઓક્ટોબરે ઈઝરાયેલ પર હુમલા દરમિયાન હમાસના આતંકવાદીઓ કેફિરના ચાર વર્ષના ભાઈ, માતા શિરી અને પિતા યાર્ડનને બંધક બનાવીને ગાઝા લઈ ગયા હતા. હવે કેફિરના દાદાને આશા છે કે બાળકને અને તેના માતા-પિતાને શક્ય તેટલી વહેલી તકે મુક્ત કરવામાં આવશે.

This beautiful baby boy Kfir Bibas was just nine months old when he was ripped from his home and kidnapped by Hamas terrorists.

He is now 10 months old and still being held hostage in Gaza.

Pray for the return of Kfir, his big brother Ariel, his mother Shiri and father… pic.twitter.com/lyqehDslOG

— Israel ישראל 🇮🇱 (@Israel) November 12, 2023

કેફિરના દાદા એલી બિબાસે એક ઈન્ટરવ્યુમાં જણાવ્યું હતું કે તેમને છેલ્લા એક મહિનાથી કેફિર અને તેના પરિવાર તરફથી કોઈ સમાચાર મળ્યા નથી. "હવે મારા જીવનનો હેતુ મારા પરિવારને પાછો લાવવાનો છે," કેફિરના દાદાએ કહ્યું.

English summary

hamas terrorists taken 9 month old baby hostage