ફેસબૂકના માસિક સક્રિય સભ્યોનો આંક 100 કરોડને પાર

કેલિફોર્નિયા, 5 ઑક્ટોબર : આજની યુવાન પેઢી ફેસબૂકની પાછળ ઘેલી બની છે. આ બાબતનો પુરાવો એ છે કે તેના ચાહકો ખાસ કરીને માસિક સક્રિય સભ્યોનો આંક 100 કરોડને પાર પહોંચી ગયો છે. આ વાતથી આશ્ચર્યચકિત થવાની જરૂર નથી કેમ કે હકીકત એ જ છે કે તમામ સોશિયલ નેટવર્કિંગ સાઇટ્સમાં ફેસબૂક નંબર વન પર છે.

આ સિધ્ધિ અંગે ફેસબૂકના સ્થાપક અને સીઇઓ માર્ક ઝુકરબર્ગે જણાવ્યું કે 'આ અમારા માટે ઘણી મોટી સિધ્ધિ છે. અત્યાર સુધીમાં ફેસબૂકના 100 કરોડથી વધારે યુઝર્સે 219 અબજ તસવીરો ફેસબૂક પર મુકી છે. એટલું જ નહીં 1.13 ટ્રિલિયન પેજને લાઇક કર્યા છે. આ કારણે ફેસબૂકે અન્ય સોશિયલ નેટવર્કિંગ સાઇટ્સને પાછળ છોડી દીધી છે. '

ઝુકરબર્ગે જણાવ્યું કે 'ફેસબૂકની શરૂઆત વર્ષ 2004માં કરવામાં આવી હતી. ગયા વર્ષે 55 કરોડ 20 લાખ લોકોની સરખામણીએ 60 કરોડ લોકો મોબાઇલ મારફતે ફેસબૂક પર સક્રિયા બન્યા છે. આ સાથે અમને ફેસબૂક પર ખોલાતા ફેક એકાઉન્ટ અને ક્રાઇમ અંગે પણ ચિંતા છે.'

English summary

Social media company Facebook reached the 1 billion user mark last month, while CEO Mark Zuckerberg said it would keep pursuing growth through mobile devices.