પાકિસ્તાનમાં રવિવારે ડબલ બોમ્બ એટેકમાં 44નાં મોત

Published: Monday, July 1, 2013, 8:16 [IST]

પેશાવર, 1 જુલાઇ : પાકિસ્તાનમાં જુદા જુદા સ્થળોએ થયેલા બોમ્બ એટેક્સમાં 44 લોકોના મોત થયા છે. આ બોમ્બ વિસ્ફોટોમાં 100થી વધારે લોકો ઘાયલ થયા છે. આ વિસ્ફોટોમાં એક શક્તિશાળી બોમ્બ વિસ્ફોટનો સમાવેશ થાય છે. જે સુરક્ષા દળોની ટુકડીને નિશાના પર રાખીને કરવામાં આવ્યો હતો.

બોમ્બ બ્લાસ્ટની પ્રથમ ઘટનામાં ઓછામાં ઓછા 17 લોકો માર્યા ગયા છે. જ્યારે અંદાજે 50 લોકો ઘાયલ થયા હોવાના અહેવાલ છે. પશ્ચિમોત્તર પાકિસ્તાનમાં બનેલી આ ઘટનામાં રિમોટથી સંચાલિત એક શક્તિશાળી બોમ્બ એટેક કરીને સુરક્ષા દળોની ટુકડીને નિશાન બનાવવામાં આવી હતી.

જ્યારે બીજા વિસ્ફોટ દક્ષિણ પશ્ચિમી શહેર ક્વેટામાં થયા છે. આ બોંમ્બ વિસ્ફોટોમાં પણ 20થી વધારે લોકોના મોત થયા છે અને અનેક ઘાયલ બન્યા છે. આ વિસ્ફોટો રવિવારે 30 જૂનના રોજ કરવામાં આવ્યા હતા. આ વિસ્ફોટો કોણે કર્યા છે તે અંગે હજી કોઇ વિગતો મળી નથી.

Published On July 1, 2013