અમેરિકાએ 48 કલાકની અંદર કાબુલ આતંકી હુમલાનો લીઘો બદલો, અફઘાનિસ્તાનમાં ISIISના ગઢમાં કરી એરસ્ટ્રાઈક

કાબુલ એરપોર્ટ પર આઈએસઆઈએસ(કે) દ્વારા કરવામાં આવેલા આતંકી હુમલાનો અમેરિકાએ 48 કલાકની અંદર બદલો લઈ લીધો છે.

Published: Saturday, August 28, 2021, 8:35 [IST]

કાબુલઃ કાબુલ એરપોર્ટ પર આઈએસઆઈએસ(કે) દ્વારા કરવામાં આવેલા આતંકી હુમલાનો અમેરિકાએ 48 કલાકની અંદર બદલો લઈ લીધો છે. અમેરિકાએ શનિવારે ઈસ્લામિક સ્ટેટ(ISIS)પર વળતી કાર્યવાહી કરી છે. ઈસ્લામિક સ્ટેટમાં કરવામાં આવેલ આત્મઘાતી બૉમ્બ વિસ્ફોટના 48 કલાકથી ઓછા સમયમાં વળતા હવાઈ હુમલામાં અફઘાનિસ્તાનમાં આઈએસઆઈએસ-કેના સભ્ય પર અમેરિકાએ બૉમ્બમારો કર્યો છે પેંટાગન અનુસાર અમેરિકી સેના દ્વારા કરવામાં આવેલા ડ્રોન હુમલાઓમાં આઈએસ સંગઠવના એક ષડયંત્રકારને નિશાન બનાવવામાં આવ્યો હતો. હુમલામાં ષડયંત્રકારના માર્યા ગયાના સમાચાર છે.

કાબુલ એરપોર્ટના ગેટથી જલ્દી હટી જાય સામાન્ય નાગરિકઃ અમેરિકા

એફએફપી સમાચાર એજન્સી અમેરિકી મંત્રાલય પેંટાગનના હવાલાથી આ સમાચારની પુષ્ટિ કરવામાં આવી છે કે અમેરિકાએ અફઘાનિસ્તાનમાં ઈસ્લામિક સ્ટેટના યોજનાકાર સામે ડ્રોન હુમલો કર્યો છે. અમેરિકાએ બધા નાગરિકાને જલ્દીમાં જલ્દી કાબુલ એરપોર્ટના ગેટ અને ફાટકોમાંથી હટવા માટે કહ્યુ છે.

કાબુલ એરપોર્ટ હુમલામાં માર્યા ગયા હતા 13 અમેરિકી સૈનિક

અફઘાનિસ્તાનના કાબુલ એરપોર્ટ પર 26 ઓગસ્ટની સાંજે બે આતંકવાદી હુમલા થયા હતા. હુમલાની જવાબદારી ઈસ્લામિક સ્ટેટે લીધી હતી. કાબુલ એરપોર્ટ પર થયેલા આતંકી હુમલામાં લગભગ 80 અફઘાની અને 13 અમેરિકી સૈનિક માર્યા ગયા હતા.

રાષ્ટ્રપતિ બાઈડેને કહ્યુ હતુ -શોધી શોધીને મારીશુ

કાબુલ એરપોર્ટ આતંકી હુમલા બાદ અમેરિકી રાષ્ટ્રપતિજો બાઈડેને કહ્યુ હતુ કે અમે આ હુમલાને નહિ ભૂલીએ, શોધીને એ આતંકવાદીઓને મારીશુ. એ લોકોએ જે કર્યુ છે તેની સજા તેમને જરૂર આપીશુ. અમેરિકા દ્વારા શનિવાર(28 ઓગસ્ટ) ના રોજ અફઘાનિસ્તાનમાં આઈએસઆઈએસના ગઢ પર કરવામાં આવેલ એરસ્ટ્રાઈક સાથે અમેરિકાએ પોતાના બદલાની શરૂઆત કરી દીધી છે.

Published On August 28, 2021