અફઘાનિસ્તાન: કાબુલમાં આત્મઘાતી હુમલો, 3ના મોત 1 ઘાયલ

અફઘાનિસ્તાનની રાજધાની કાબુલમાં સોમવારે સવારે એક આત્મઘાતી હુમલો થયો હતો. જેમાં ત્રણ લોકોના મોત અને એક વ્યક્તિ ઘાયલ થઈ હતી.

By Kajal

Updated: Monday, December 25, 2017, 13:55 [IST]

અફઘાનિસ્તાનની રાજધાની કાબુલમાં સોમવારે સવારે એક આત્મઘાતી હુમલો થયો હતો. જેમાં ત્રણ લોકોના મોત અને એક વ્યક્તિ ઘાયલ થઈ હતી. આ હુમલો કાબુલના અફઘાન નેશનલ ઇન્ટેલિજન્સી કમ્પાઉન્ડની એકદમ નજીક થયો હતો. સરકારી અધિકારીઓ અનુસાર, આંતકવાદીઓએ અફઘાન નેશનલ ઇન્ટેલિજન્સીને નિશાનો બનાવવાનો પ્રયત્ન કર્યો હતો. આ હુમલો સેન્ટરની બહાર ઊભેલા એક વ્યક્તિએ પોતાને બોમ્બથી ઉડાવી દીધુ હતું. થોડા દિવસો પહેલા જ આઇએસએ અફઘાનિસ્તાનના નેશનલ ડાયરેક્ટોરેટના સિક્યોરિટી સેન્ટરને ઉડાડવાનો પ્રયત્ન કર્યો હતો.

ઉલ્લેખનીય છે કે, છેલ્લા ઘણા સમયથી આંતકવાદીઓ અફઘાનિસ્તાનની સિક્યોરિટી ફોર્સ અને આર્મી કેમ્પને નિશાનો બનાવી રહ્યાં છે. આ ધમાકા પછી સરકારે મૃત્યુ પામેલ અને ઘાયલ વ્યક્તિની જાણકારી આપી હતી અને વધુમાં જણાવ્યું હતું કે, હજી સુધી કોઈ પણ આંતકવાદી સંગઠને આ હુમલાની જવાબદારી નથી સ્વીકારી.