રોબોટે માણસનો જીવ લીધો, જાણો ક્યાંની અને શું છે પુરી ઘટના?

By Desk

Published: Saturday, November 11, 2023, 16:26 [IST]

છેલ્લા કેટલાક સમયથી દુનિયામાં આર્ટિફિશિયલ ઈન્ટેલિજન્સની ગંભીરત અસરો વિશે ચર્ચા થઈ રહી છે. હવે પહેલી વખત રોબોટે કોઈ માણસની હત્યા કરી હોવાના સમાચાર સામે આવ્યા છે.

રજનીકાંતની ફિલ્મ રોબોટની જેમ મનુષ્યને ઉપયોગી થવા બનાવાયેલા માણસ અને રોબોટ વચ્ચે લડાઈ શરૂ થઈ છે. આવો જ એક કિસ્સો દક્ષિણ કોરિયામાં સામે આવ્યો છે.

દક્ષિણ કોરિયામાં એક રોબોટે વ્યક્તિની હત્યા કરી હોવાનો અહેવાલ છે. આઓ રોબોટમાં કેટલીક ટેકનિકલ ખામી હતી, જેના કારણે તેણે માણસને શાકભાજીથી ભરેલુ બોક્સ સમજીને ચહેરો કચડી નાંખ્યો.

આ ઘટના દક્ષિણ કોરિયાના દક્ષિણ ગ્યોંગસાંગ પ્રાંતની છે. અહીં આ 40 વર્ષીય વ્યક્તિને શાકભાજીની દુકાનમાં કામ કરતા રોબોટના સેન્સર ચેક કરવા માટે કામે રખાયો હતો.

ઘટનાના દિવસે આ રોબોટ કેપ્સિકમથી ભરેલા બોક્સ ઉપાડીને સ્ટોરમાં જમીન પર મૂકી રહ્યો હતો. આ વ્યક્તિ રોબોટના સેન્સર ચેક કરી રહ્યો હતો ત્યારે અચાનક રોબોટમાં કોઈ ટેકનિકલ ખામી સર્જાઈ અને તેણે માણસને કેપ્સિકમથી ભરેલો બોક્સ સમજી લીધો.

અહેવાલ અનુસાર, રોબોટને શાકભાજીના બોક્સને હેન્ડલ કરવા માટે અલગ રીતે પ્રોગ્રામ કરવામાં આવ્યો હતો. સેન્સરમાં ખામી સર્જાયા બાદ રોબોટના હાથે માણસને શાકભાજીનું બોક્સ સમજ્યું અને તેને કન્વેયર બેલ્ટથી પકડી લીધો.

કન્વેયર બેલ્ટથી પકડ્યા પછી રોબોટે વ્યક્તિના ઉપરના ભાગને બળપૂર્વક નીચેની તરફ વાળવાનું શરૂ કર્યું. આમ કરવાથી તે વ્યક્તિનો ચહેરો અને છાતી ખરાબ રીતે કચડાઈ ગઈ. સ્ટોરમાં કામ કરી રહેલા અન્ય લોકોએ ભારે મુશ્કેલીથી માણસને રોબોટની ચુંગાલમાંથી છોડાવ્યો.

અહેવાલો અનુસાર, છેલ્લા બે દિવસથી આ રોબોટના સેન્સરમાં સમસ્યા હતી અને તેથી જ તેને ચેક કરવા માટે વ્યક્તિને બોલાવ્યો હતો. વ્યક્તિને તાત્કાલિક હોસ્પિટલમાં લઈ જવામાં આવ્યો જ્યાં તેનુ મૃત્યુ થયું.

જણાવી દઈએ કે, દક્ષિણ કોરિયામાં આ વર્ષનો આ બીજો કિસ્સો છે જ્યારે કોઈ રોબોટે કોઈ માણસને નુકસાન પહોંચાડ્યું હોય. માર્ચ મહિનાની શરૂઆતમાં એક ઓટોમોબાઇલ પાર્ટ્સ મેન્યુફેક્ચરિંગ પ્લાન્ટમાં એક 50 વર્ષીય વ્યક્તિને રોબોટે ખરાબ રીતે ઘાયલ કર્યો હતો.

Published On November 11, 2023