Drugs in Gujarat: ઉદવાડા કિનારેથી મળ્યા ચરસના પેકેટ, 11 કિલો 800 ગ્રામ ચરસ જપ્ત

Drugs in Gujarat: તાજેતરના વર્ષોમાં માત્ર સૌરાષ્ટ્ર અને કચ્છના દરિયાકાંઠે જ નહીં, પરંતુ દક્ષિણ ગુજરાતના દરિયાકાંઠે પણ ડ્રગ્સના પેકેટનું આગમન થયું છે.

તાજેતરના સોમવારના રોજ વલસાડ જિલ્લાના પારડી સ્થિત ઉદવાડા કાંઠે સ્થાનિક લોકો દ્વારા 11 કિલો 800 ગ્રામ જથ્થાના ચરસના પેકેટ જોવા મળ્યા હતા.

આ ચરસની આંતરરાષ્ટ્રીય બજારમાં કિંમત રૂપિયા 50 લાખ આસપાસની કિંમતના 10 પેકેટના બંડલ મળી આવ્યા હતા. જેના પર ઉર્દૂ ભાષામાં લખેલું હતું.

ઉલ્લેખનીય છે કે, સ્થાનિકોએ આ અંગે જાણ કર્યા બાદ પોલીસની ટીમ દરિયાકિનારે દોડી ગઈ હતી, અને દવાઓને ફોરેન્સિક ટેસ્ટ માટે મોકલી આપી હતી.

ઉલ્લેખનીય છે કે, તારીખ 1 ઓગષ્ટથી 7 ઓગષ્ટ સુધીના સમયગાળા દરમિયાન ગુજરાત પોલીસે અલગ અલગ 9 સ્થળે રેડ કરીને રૂપિયા 836.36 કરોડની કિંમતનો ચરસ, ગાંજો અને ટ્રામાડોલ લિક્વીડ ટેબ્લેટ સહિતનો મુદ્દામાલ સીઝ કર્યા છે. આ સાથે કુલ 14 આરોપીઓ સામે નાર્કોટીક્સના ગુના દાખલ કરવામાં આવ્યા છે.

નોંધનીય બાબત છે કે, અમદાવાદ શહેર, પશ્ચિમ કચ્છ, નવસારી, પશ્ચિમ રેલવે વડોદરા પોલીસ અને સી.આઇ.ડી ક્રાઇમ દ્વારા રૂપિયા 2.38 લાખના ગાંજાના 25.632 કિલો મુદ્દામાલ સાથે 7 આરોપીઓને પકડી તેમની સામે કડક કાર્યવાહી હાથ ધરી છે.

બીજી તરફ પોરબંદર અને ગીર સોમનાથ ખાતેથી પોલીસ દ્વારા રૂપિયા 5.32 કરોડથી વધુ કિંમતના 12.041 કિલો ચરસનો જથ્થો પકડી પાડવામાં આવ્યો છે.

English summary

Drugs in Gujarat: Charas packets found from Udwada shore, 11 kg 800 grams of charas seized