Wrestlers Protest: અનુરાગ ઠાકુરની પહેલવાનો સાથેની મીટીંગ થઇ પુરી, 15 જુન સુધી વિરોધ નહી કરે

Updated: Wednesday, June 7, 2023, 20:44 [IST]

કુસ્તી મહાસંઘના ભૂતપૂર્વ પ્રમુખ બ્રિજભૂષણ સિંહ વિરુદ્ધ કાર્યવાહીની માંગ કરી રહેલા કુસ્તીબાજો બુધવારે કેન્દ્રીય રમતગમત મંત્રી અનુરાગ ઠાકુરને તેમના નિવાસસ્થાને મળ્યા હતા. બેઠકમાં કુસ્તીબાજ અને રમત મંત્રી વચ્ચે ઘણા મુદ્દાઓ પર સમજૂતી થઈ છે. જે અંગે કુસ્તીબાજ સાક્ષી મલિકે જણાવ્યું કે 15 જૂન સુધી કોઈ વિરોધ કરવામાં આવશે નહીં.

મીટિંગ બાદ મીડિયા સાથે વાત કરતા કુસ્તીબાજ સાક્ષી મલિકે કહ્યું, "જ્યાં સુધી પોલીસ તેમની તપાસ પૂરી ન કરે ત્યાં સુધી અમારો વિરોધ 15 જૂન સુધી સ્થગિત કરવા માટે અમને કહેવામાં આવ્યું છે. અમે 15 જૂન સુધી કોઈ વિરોધ પ્રદર્શન કરીશું નહીં."

"The government has sought time till June 15 for the investigation to conclude. The protest is not over yet," says wrestler Sakshi Malik after meeting with Union Minister Anurag Thakur. pic.twitter.com/WkyIeGvG7Y
— Press Trust of India (@PTI_News) June 7, 2023

કેન્દ્રીય રમત મંત્રી અનુરાગ ઠાકુરને મળ્યા પછી, કુસ્તીબાજ બજરંગ પુનિયાએ કહ્યું કે અમે કેટલાક મુદ્દાઓ પર ચર્ચા કરી હતી. પોલીસ તપાસ 15 જૂન સુધીમાં પૂર્ણ થવી જોઈએ અને ત્યાં સુધી વિરોધ ન કરવા મંત્રીએ અમને વિનંતી કરી છે.

#WATCH | We had a discussion on some issues. Police investigation should be completed by 15th June and the minister has requested us not to hold protests until then. He also said the security of female wrestlers will be taken care of. We have requested that all FIRs against… pic.twitter.com/rPXCpPcMwU
— ANI (@ANI) June 7, 2023

પુનિયાએ વધુમાં કહ્યું કે તેમણે (રમત પ્રધાન) એ પણ કહ્યું કે મહિલા કુસ્તીબાજોની સુરક્ષાનું પણ ધ્યાન રાખવામાં આવશે. અમે વિનંતી કરી છે કે કુસ્તીબાજો સામેની તમામ એફઆઈઆર પાછી ખેંચી લેવામાં આવે અને તે તેના માટે સંમત થયા છે.

કેન્દ્રીય મંત્રી અનુરાગ ઠાકુરે દિલ્હીમાં તેમના નિવાસસ્થાને આયોજિત બેઠક બાદ કહ્યું કે ખૂબ જ સંવેદનશીલ મુદ્દા પર કુસ્તીબાજો સાથે સકારાત્મક વાતચીત થઈ છે. લગભગ 6 કલાક સુધી ચાલેલી આ બેઠકમાં જે મુદ્દાઓ પર ચર્ચા કરવામાં આવી હતી.

તે આરોપોની તપાસ પૂર્ણ કર્યા બાદ 15 જૂન સુધીમાં ચાર્જશીટ દાખલ કરવી જોઈએ અને 30 જૂન સુધીમાં રેસલિંગ ફેડરેશનની ચૂંટણી કરવી જોઈએ. રેસલિંગ ફેડરેશનની આંતરિક ફરિયાદ સમિતિની રચના થવી જોઈએ અને તેનું નેતૃત્વ એક મહિલાએ કરવું જોઈએ.

અનુરાગ ઠાકુરે એ પણ ધ્યાન દોર્યું હતું કે કુસ્તીબાજોએ વિનંતી કરી હતી કે બ્રિજભૂષણ સિંહ અને તેમના સાથીદારો જેમણે 3 ટર્મ પૂર્ણ કરી છે તેઓને ફરીથી ચૂંટવામાં ન આવે. તેમણે કુસ્તીબાજો સામેની તમામ એફઆઈઆર પરત ખેંચવાની માંગ કરી હતી.