સરકાર માટે મહિલાઓની સુરક્ષા અગ્રતાક્રમે : NDC બેઠકમાં PM

Published: Thursday, December 27, 2012, 11:22 [IST]

નવી દિલ્હી, 27 ડિસેમ્બર : આજે દિલ્હીમાં મળેલી રાષ્ટ્રીય વિકાસ પરિષદ (એનડીસી)ની બેઠકને સંબોધી રહેલા વડાપ્રધાન મનમોહન સિંહે જણાવ્યું હતું કે મહિલાઓ પ્રત્યે આપણો સમાજ ઇમાનદાર નથી. સરકારના કાર્યોની યાદીમાં મહિલાઓની સુરક્ષા અગ્રતાક્રમે છે.

એનડીસીની બેઠકમાં તમામ રાજ્યોના મુખ્યમંત્રીઓએ ભાગ લીધો છે. 12મી પંચવર્ષીય યોજનાની ચર્ચા કરવા અંગે મળેલી બેઠકમાં સૌને સંબોધતા વડાપ્રધાન મનમોહન સિંહે બધા જ રાજ્યોના મુખ્યમંત્રીઓને મહિલાઓની સુરક્ષા અંગે તાત્કાલિક પગલાં લેવા જણાવ્યું હતું.

આ ઉપરાંત વડાપ્રધાન જણાવ્યું કે દેશ આર્થિક કટાકટીમાંથી પસાર થઇ રહ્યો છે. મંદીમાંથી બહાર આવવું અમારી પ્રાથમિકતા રહેશે. આ સાથે જ સામાજિક બાબતમાં મહિલાઓની સુરક્ષા પણ અતિ મહત્વની છે.

Published On December 27, 2012