ગજબ છે ભાઇ! અને જાનૈયા પહેરીને આવી ગયા 'આપ' પાર્ટીની ટોપીઓ

By Kumar Dushyant

Published: Tuesday, April 8, 2014, 16:54 [IST]

સિરસા, 8 એપ્રિલ: સલારપુરમાં ત્યારે રોચક દ્રશ્ય જોવા મળ્યું જ્યારે વરરાજાની માંગણી પર બધા જાનૈયા આમ આદમી પાર્ટીની ટોપીઓ પહેરીને જાન લઇને રવાના થયા. બન્યું એમ કે સલારપુર નિવાસી મુકેશ ધંજૂના સોમવારે લગ્ન હતા અને તે આમ આદમી પાર્ટીનો કટ્ટર સમર્થક છે એટલા માટે તેણે બધા જાનૈયાઓને પાર્ટીની ટોપીઓ પહેરાવીને જાન લઇ જવાની શરત રાખી હતી.

આ મુદ્દે વરરાજાની ઇચ્છાનું સન્માન કરતાં જાનૈયા પણ તેના માટે તૈયાર થઇ ગયા અને આજે સવારે વરરાજા અને તેના મિત્રો-સંબંધી આપની ટોપી પહેરી વરરાજા સાથે જાન લઇને રવાના થયા. મહિલાઓ પણ ટોપી પહેરી અને આ અનોખા લગ્નમાં જોડાઇ.

આ અવસર પર વરરાજા મુકેશે કહ્યું હતું કે તેમણે આ નિર્ણય વર્તમાન ચૂંટણીને ધ્યાનમાં રાખતા લીધો કારણ કે તેમનું માનવું છે કે દેશના લોકોને ભ્રષ્ટાચાર વિરૂદ્ધ જાગૃત કરવાની એક રીત હોઇ શકે છે. તેમણે કહ્યું કે તે આમ આદમી પાર્ટીના આંદોલનને દેશના નવ નિર્માણનું સત્ય આંદોલન માનતાં તેના માટે કોઇપણ હદ સુધી જવા માટે તૈયાર છે.

આ અવસર પર વરરાજાન મિત્ર અને પાર્ટીના ડૉક્ટર કુલદીપ, પંકજ કામરા, પ્રદિપ સચદેવા અને મંગલ સિંહે પોતાની તરફથી મુકેશના ઉજ્જવલ વૈવાહિક જીવનની કામના કરતાં તેને શુભ કામનાઓ આપી. આ અવસર પર લછમન દાસ, ભજન લાલ, કાશ્મીર કમ્બોજ, મોહિત કમ્બોજ, ચન્ની, કાલા, મોહન લાલ, પવન, સુશીલ કુમાર વગેરે ઉપસ્થિત હતા.

Published On April 8, 2014