કોણ છે દેવયાની, જેના માટે આપણે અમેરિકા સાથે બાથ ભીડી

નવી દિલ્હી, 18 ડિસેમ્બરઃ ભારતના ઉપ મહાવાણિજ્ય દૂત દેવયાની ખોબ્રાગડે સાથે અમેરિકામાં થયેલા દુર્વયવહારનો મામલો હવે સંસદમાં પહોંચી ગયો છે. પોતાના રાજનાયિકનું અમેરિકામાં આ રીતે અપમાનથી દેશના લોકોમાં ગુસ્સો છે. લોકો ઇચ્છે છે કે ભારત સરકાર અમેરિકાને જડબાતોડ જવાબ આપે. જો કે, આ એવો પહેલો મામલો નથી કે જ્યારે વિદેશી ધરતી પર આપણા પ્રતિનિધિત્વ સાથે અપમાન થયું હોય, પરંતુ આ વખતે જે દેવયાની સાથે થયું તેણે બધી હદો પાર કરી નાંખી છે. અમેરિકામાં તેમની સાથે જે વર્તન થયું છે તેની કદાચ કલ્પના પણ ના કરી શકાય.

દેવયાની ખોબ્રાગડેના કારણે ભારત-અમેરિકાના સંબંધોમાં ખટાશ આવી ગઇ છે. જે દેવયાનીના કારણે ભારત, અમેરિકા સાથે બાથ ભીડવા તૈયાર થઇ ગયું તેમના અંગે આજે અમે જણાવી રહ્યાં છીએ. દેવયાની મહારાષ્ટ્ર કેડરના રિટાયર્ડ આઇએએસ ઉત્તમ ખોબ્રાગડેની પુત્રી છે. અહીં દેવયાનીનો જન્મ થયો અને તેમણ અભ્યાસ પણ અહીં જ પૂર્ણ કર્યો. માઉન્ટ કારમેલથી સ્કૂલિંગ બાદ તેમણે સેઠ જીએસ મેડિકલ કોલેજ અને કેઇએમ હોસ્પિટલમાંથી એમબીબીએસ કર્યુ. દેવયાની અભ્યાસમાં હંમેશા હોશિયાર હતા તેથી તેમણે એમબીબીએસ પછી પણ મેડિકલ ક્ષેત્રમાં પોતાની કારકિર્દી બનાવવાના બદલે વિદેશ સેવામાં જવાનો નિર્ણય કર્યો. દેવયાનીએ 1999માં આઇએફએસ ક્લીયર કર્યું.

અમેરિકન દૂતાવાસ પહેલા તેમની નિયુક્તિ પાકિસ્તાન, ઇટલી અને જર્મનીમાં ભારતીય મિશંસની પોલિટિકલ ડિવીઝનમાં થઇ. કારકિર્દીના મુકામને હાંસલ કર્યા બાદ દેવયાનીએ એક પ્રોફેસર સાથે લગ્ન કર્યા. તેમને બે પુત્રી છે. એક છ વર્ષની અને બીજી ત્રણ વર્ષની. બન્ને બાળકીઓના પાલન પોષણ ઉપરાંત તે દલિતો અને લૈંગિક સમાનતા માટે પણ કામ કરવાની ઇચ્છા ધરાવે છે. જો કે દેવયાનીનો વિવાદ સાથે નાતો જૂનો છે. આ પહેલા બે વર્ષ પૂર્વે મુંબઇની આદર્શ સોસાયટી કૌભાંડમાં તેમનું નામ બહાર આવ્યું હતું. મહારાષ્ટ્ર સરકાર તરફથી તેમને 10 ટકા કોટા હેઠળ આદર્શ સોસાયટીમાં ફ્લેટ આપવામાં આવ્યા, જ્યારે તેમની પાસે મુંબઇમાં પહેલાથી ઘર છે. જોકે, મામલાની તપાસ કરી રહેલી સીબીઆઇએ ના તો દેવયાની અને ના તો તેમના પિતાની ક્યારેય પૂછપરછ કરી છે.

English summary

Who is Devyani Khobragade for whom India has decided to take on US