તમે કોઈને એક રૂપિયો આપો અને કોઈ તમને હજારો આપે તો?

તમે જાણો છો કે જુની કરન્સી હજારો લાખો અને કરોડો સુધીમાં વેચાતી હોય છે. જુના જમાનાના શિક્કા અને ચલણની કિંમત ઘણી ઉંચી હોય છે. તમે અવાર નવાર એવા સમાચારો વાંચતા હોય છે ફલાણા રાજાના જમાનાનો સિક્કો આટલા લાખ કે આટલા કરોડમાં વેચાયો. આવી જ એક વસ્તુ આજે અમે તમને જણાવવા જઈ રહ્યા છીએ. જેમાં તમને એક રૂપિયાના બદલામાં હજારો રૂપિયા મળી શકે છે.

એક વેબસાઈટ છે Coinbazzar. આ વેબસાઈટ પર તમારી પાસે કોઈ યુનિક કરન્સી હોય તો તમે તેને તમારી પ્રાઈઝમાં વેચી શકો છો. આવી જ એક જાહેરાત આ વેબસાઈટ પર છે. જેમાં ભારત સરકારનું એક રૂપિયાના નોટનું બંડલ 44.999 હજાર રૂપિયામાં વેચાઈ રહ્યું છે. આ એક રૂપિયાની નોટનું બંડલ 1957માં રીલીઝ કરાયુ હતું. જેના પર પૂર્વે કેન્દ્રીય નાણાં મંત્રી એચ.એમ.પટેલે સહી કરી હતી. આ નોટના બંડલનો સીરીયલ નંબર 123456 છે.

ભારત સરકારે 26 વર્ષ પહેલા 1 રૂપિયાની નોટ બંધ કરી હતી. ત્યારબાદ 1 જાન્યુઆરી 2015 થી ફરીથી તેનું પ્રિન્ટીંગ શરૂ કરાયુ છે. ઘણા લોકો પાસે આવી જૂની નોટો હશે. તેઓ આ વેબસાઈટ પર જઈને તેમની જુની નોટોને ઉચ્ચી કિંમતે વેચી શકે છે. આ ઉપરાંત આ વેબસાઈટ પરથી તમે 50 રૂપિયાની જૂની નોટો 8,200 રૂપિયા, 10 રૂપિયા, 5 રૂપિયાની નોટો 2,999 રૂપિયા, 2 રૂપિયાની નોટો 4,999 રૂપિયામાં ખરીદી કરી શકો છો. આ વેબસાઈટ પર એકાઉન્ટ બનાવીને તમે તમારી પાસે રહેલી જુની નોટ વેચી પણ શકો છો.

English summary

What if you give someone a rupee and someone gives you thousands?