Weather Updates: કર્ણાટક, તેલંગાનામાં આજે પણ ભારે વરસાદ, આ રાજ્યોમાં પણ વરસશે વાદળા

Weather Updates: ચોમાસું હાલમાં પૂર્વોત્તર અને દક્ષિણમાં સક્રિય થયું છે, જેના કારણે કર્ણાટક, તમિલનાડુ, તેલંગાણા અને આંધ્રમાં હાલમાં વરસાદ પડી રહ્યો છે. આજે પણ અહીં એલર્ટ જાહેર કરવામાં આવ્યું છે. ચક્રવાતી પવનો હાલમાં ઓડિશા તરફ ફેલાઈ રહ્યા છે.

આ પવનોનાના કારણે આ સમયે દક્ષિણમાં વરસાદ થઈ રહ્યો છે અને આગામી ચાર-પાંચ દિવસ સુધી દક્ષિણ ઝોનમાં હવામાનની આ જ સ્થિતિ રહેવાની છે. હવામાન વિભાગે આજે પણ તેલંગાણા અને આંધ્રમાં વરસાદની ચેતવણી જાહેર કરી છે, જ્યારે ઉત્તર-પૂર્વના રાજ્યોમાં પણ ભારે વરસાદની ચેતવણી જારી કરવામાં આવી છે.

આસામ, મિઝોરમ, સિક્કિમ, મણિપુરમાં આજે ભારે વરસાદ પડવાની આગાહી હોવાથી અહીં યલો એલર્ટ જાહેર કરવામાં આવ્યું છે. બીજી તરફ હિમાચલ અને ઉત્તરાખંડમાં હળવા વરસાદની સંભાવના છે, જો કે કેટલીક જગ્યાએ ભારે વરસાદ પડી શકે છે. હાલમાં દિવસ દરમિયાન વાતાવરણ શુષ્ક રહેશે. દેહરાદૂન, પૌરી, નૈનીતાલ, ચંપાવત અને બાગેશ્વરમાં હળવાથી ભારે વરસાદની સંભાવના છે.

દિલ્હી, પંજાબ, હરિયાણા, યુપી અને બિહારમાં હળવા વરસાદનું એલર્ટ ચાલુ છે. તો બંગાળ, મહારાષ્ટ્ર, ઓડિશા, ગોવામાં પણ હળવો વરસાદ પડી શકે છે. યુપી-બિહાર-ઝારખંડ, એમપી-છત્તીસગઢમાં હળવા વરસાદની શક્યતા છે, જ્યારે કાશ્મીરમાં પણ હળવો વરસાદ પડી શકે છે.

હવામાન વિભાગના જણાવ્યા મુજબ ચોમાસું હવે તેના અંતિમ તબક્કામાં છે, તેથી કેટલીક જગ્યાએ ઓછા અને વધુ વરસાદનો સમયગાળો ચાલુ રહેશે. મધ્યપ્રદેશમાં આ વખતે ઓછા વરસાદને કારણે ખેડૂતો ખૂબ જ ચિંતિત બન્યા હતા, પરંતુ અહીં ફરી એકવાર ચોમાસું સક્રિય થયું છે અને મધ્યપ્રદેશ અને છત્તીસગઢમાં આગામી ત્રણ દિવસ સુધી ભારે વરસાદની ચેતવણી જાહેર કરવામાં આવી છે. આ સપ્તાહ દરમિયાન અહીંનું હવામાન ભીનું રહેશે.

English summary

Weather Updates: Heavy rain in Karnataka and Telangana today, Rain forecast in many states.