Weather Update: ક્યાંક ચોમાસાની વિદાય, તો ક્યાંક શિયાળાની શરુઆત, જાણો દેશભરમાં હવામાનની સ્થિતિ
Weather Update: સમગ્ર દેશમાં હવામાનની પેટર્ન બદલાઈ રહી છે. ઠંડીની શરુઆત થઈ ગઈ છે. દેશના કેટલાક રાજ્યોમાં ચોમાસાની વિદાયનો વરસાદ પડી રહ્યો છે તો કેટલીક જગ્યાએ શિયાળાની દસ્તકનો અહેસાસ થવા લાગ્યો છે.
ભારતીય હવામાન વિભાગ (IMD) એ કહ્યું છે કે શિયાળાની અસર ફક્ત તે રાજ્યોમાં જ જોવા મળશે જ્યાં વરસાદ પડી રહ્યો છે અથવા તેની સંભાવના છે. બાકીના રાજ્યોમાં ઓક્ટોબર માસ સામાન્ય રહેશે. આજે શનિવાર 7 ઓક્ટોબરે ઉત્તર પૂર્વ ભારતના ભાગોમાં ભારેથી અતિ ભારે વરસાદ પડી શકે છે.
હવામાન વિભાગે આસામ, મેઘાલય, અરુણાચલ પ્રદેશ, સિક્કિમ અને સબ-હિમાલયન પશ્ચિમ બંગાળ માટે ઓરેન્જ એલર્ટ જાહેર કર્યું છે. તે જ સમયે, મેઘાલય માટે અચાનક પૂરના જોખમની ચેતવણી પણ જાહેર કરવામાં આવી છે. IMDએ કહ્યું છે કે બિહાર, ઝારખંડ, ઓડિશા, છત્તીસગઢ, તેલંગાણાના કેટલાક ભાગોમાં ચોમાસાની વિદાયને કારણે મધ્યમથી ભારે વરસાદ પડી શકે છે.
આ ઉપરાંત આગામી 2-3 દિવસ દરમિયાન મહારાષ્ટ્ર અને મધ્ય અરબી સમુદ્રના કેટલાક અન્ય ભાગોમાં વરસાદ પડી શકે છે. વળી, પૂર્વી ઉત્તર પ્રદેશ અને પૂર્વ મધ્ય પ્રદેશના બાકીના ભાગોમાંથી દક્ષિણ-પશ્ચિમ ચોમાસાની વિદાય માટે સ્થિતિ યોગ્ય છે. આજે પટના, લખનઉ, જયપુર, ભોપાલ, દિલ્હી-એનસીઆરમાં હવામાન સાફ રહેશે. અહીં રાતે લઘુત્તમ તાપમાન 21 ડિગ્રી સેલ્સિયસ રહેવાની ધારણા છે. મહત્તમ તાપમાન 36 ડિગ્રી સેલ્સિયસ રહેવાની સંભાવના છે.
જમ્મુ કાશ્મીર, ગિલગિટ-બાલ્ટિસ્તાન, મુઝફ્ફરાબાદ અને લદ્દાખમાં પણ વરસાદની સ્થિતિ જોવા મળશે. પશ્ચિમ બંગાળ, ઉત્તર ઓડિશા, ઝારખંડ, બિહાર, ગોવા અને લક્ષદ્વીપમાં કેટલાક સ્થળોએ હળવો વરસાદ પડી શકે છે. સિક્કિમ, અરુણાચલ પ્રદેશ, દક્ષિણ કેરળ અને આંદામાન અને નિકોબાર ટાપુઓમાં વરસાદ તેનું ગંભીર સ્વરૂપ ધારણ કરી શકે છે.
અમુક રાજ્યોમાં વરસાદ વચ્ચે ધીમે ધીમે તાપમાનમાં ઘટાડો થવા લાગ્યો છે. ઝાકળ અને રાતના તાપમાનમાં ઘટાડો થવાથી ઠંડીનો અનુભવ થઈ રહ્યો છે. હવામાન વિભાગના જણાવ્યા અનુસાર નવરાત્રિની શરુઆત થતા ઠંડીમાં વધારો થશે.
Click it and Unblock the Notifications
Sign in with Google
