video: મંત્રીજીનો ઇમોશન અત્યાચાર, કુરાનની સોગંધ આપી મંત્રીજી માંગી રહ્યાં છે વોટ

By Kumar Dushyant

Published: Monday, March 31, 2014, 14:57 [IST]

શ્રીનગર, 31 માર્ચ: લોકસભાની ચૂંટણી શરૂ થવાને થોડા દિવસો બાકી છે, બધી જ રાજકીય પાર્ટીઓ વોટરોને આકર્ષવા માટે પોતાનું જોર લગાવી રહ્યાં છે. કોઇ લોભામણા વાયદા કરી મતદારોને પોતાના પક્ષમાં કરવાનો પ્રયત્ન કરી રહ્યાં છે તો કોઇ પોતાની સરકારે કરેલા કામો ગણાવી રહ્યાં છે.

કોઇ મતદારોને ડાન્સ ગર્લ્સનો ડાન્સ બતાવીને ખુશ કરવા માંગે છે તો કોઇ હસીન સપના બતાવીને, પરંતુ જમ્મૂ કાશ્મીરના એક મંત્રીએ તો આ બધાને પાછળ છોડીને લોકોને વોટ આપવા માટે સોગંધ ખવડાવવાનું શરૂ કરી દિધું છે. આ વાતનો ખુલાસો સોશિયલ નેટવર્કિંગ સાઇટ પર અપલોડ કરવામાં આવેલા વીડિયો દ્વારા થયો.

આ વીડિયોમાં ઉમર અબ્દુલા સરકારની એકમાત્ર મહિલા મંત્રીએ એક બુજુર્ગ પાસે વોટ માંગતા દેખાયા છે. જમ્મૂ-કાશ્મીરની સામાજિક કલ્યાણ મંત્રી સકીના ઇટૂ પોતાની પાર્ટી કાર્યકર્તાઓની સાથે બુજુર્ગ વ્યક્તિ પાસે ચૂંટણી પોતાનું સમર્થન કરવા માટે કહી રહ્યાં છે. વીડિયોમાં સકીના બુજુર્ગ વ્યક્તિને કહી રહ્યાં છે કે હું તમારી પુત્રી છું. તમે કુરાનની સોગંધ ખાવ કે ભૂતકાળની જેમ આ ચૂંટણીમાં પણ અમને સમર્થન આપશો.

આ વીડિયો સોશિયલ નેટવર્કિંગ સાઇટ પર આવતાં જ જોરદર વાઇરલ થઇ ગયો. આ દરમિયાન નેશનલ કોંફરન્સે કહ્યું હતું કે મંત્રીએ જે કર્યું તેમાં કંઇ ખોટું નથી અને આ સ્થાનિક સંસ્કૃતિનો ભાગ છે. મંત્રીની કરતૂત અને તેના પર પાર્ટીનું આ નિવેદન તેમની સચ્ચાઇને લોકો સમક્ષ સ્પષ્ટપણે રજુ કરી રહ્યું છે. બસ લોકોને જરૂરિયાત છે તેને ધ્યાનપૂર્વક જોવાની.

Published On March 31, 2014