Video : ઓગસ્ટ સુધીમાં એનડીએ સરકાર પડી જશે, લાલુ પ્રસાદ યાદવનો મોટો દાવો

સહયોગી પક્ષોના સહારે ચાલી રહેલી કેન્દ્રની નરેન્દ્ર મોદી સરકાર ગમે ત્યારે પડી શકે છે. દાવાઓ વચ્ચે હવે લાલુ પ્રસાદ યાદવે મોટો દાવો કરી દીધો છે.

રાષ્ટ્રીય જનતા દળ અધ્યક્ષ વડા લાલુ પ્રસાદે આગાહી કરી છે કે કેન્દ્રમાં વડાપ્રધાન નરેન્દ્ર મોદીની આગેવાની હેઠળની NDA સરકાર ઓગસ્ટ સુધીમાં પડી શકે છે અને ચૂંટણી ગમે ત્યારે થઈ શકે છે.

લાલુ પ્રસાદ યાદવે કહ્યું કે, હું પાર્ટીના તમામ કાર્યકરોને તૈયાર રહેવાની અપીલ કરું છું, કારણ કે ચૂંટણી ગમે ત્યારે થઈ શકે છે. દિલ્હીમાં મોદીની સરકાર ઘણી નબળી છે અને ઓગસ્ટ સુધીમાં પડી શકે છે.

આરજેડીના સ્થાપના દિવસના સમારોહમાં તેજસ્વી યાદવે કહ્યું કે, સત્તાના લોભમાં જનતા દળ (યુ)ના લોકોએ તેમની વિચારધારા સાથે સમાધાન કર્યું અને ભાજપ સાથે ગઠબંધન કર્યું. રાષ્ટ્રીય જનતા દળ એકમાત્ર એવો પક્ષ છે જેણે ન તો સમાધાન કર્યું કે ન તો ઘૂંટણિયે પડ્યો. અમારી લડાઈ નબળા અને વંચિત લોકો માટે છે.

તેજસ્વી યાદવે કહ્યું કે, લોકસભા ચૂંટણીમાં અમારો વોટ શેર 9% વધ્યો, જ્યારે NDAનો વોટ શેર 6% ઘટ્યો. આજે આરજેડીએ 4 સીટો જીતી છે. અમે વધુ જીતી શક્યા હોત. તેમ છતાં આ લોકસભા ચૂંટણીમાં અમારા ગઠબંધને 9 બેઠકો જીતી છે.

લોકસભા ચૂંટણીમાં બીજેપીને 240 બેઠકો મળી પરંતુ બહુમતી 272 ના આંકડાથી દુર રહી. ભાજપે સાથી પક્ષો JD(U) અને TDP સહિતના સમર્થનથી સરકાર બનાવી અને નરેન્દ્ર મોદી વડાપ્રધાન બન્યા.

#WATCH | Former Bihar CM and RJD chief Lalu Prasad Yadav says, "I appeal to all party workers to be ready, as elections can happen anytime. Modi's government in Delhi is very weak and it can fall by August..." pic.twitter.com/WHK832xH62

— ANI (@ANI) July 5, 2024

જ્યારથી નરેન્દ્ર મોદી ત્રીજી વખત સત્તામાં આવ્યા ત્યારથી ઘણા વિપક્ષી નેતાઓ દાવો કરી રહ્યા છે કે સરકાર લાંબો સમય નહીં ચાલે અને થોડા મહિનામાં પડી જશે. લાલુની તાજેતરની ટિપ્પણીએ ફરી એકવાર આવો દાવો કર્યો છે.

English summary

Video : NDA government will fall by August, Lalu Prasad Yadav's big claim