UPI સંપૂર્ણ રીતે ફ્રી, આ પર જ લાગશે ચાર્જ: NPCIએ કર્યું સ્પષ્ટ

છેલ્લા કેટલાક વર્ષોમાં ભારતમાં ડિજિટલ પેમેન્ટમાં ઘણો વધારો થયો છે. લોકો નાનાથી લઈને મોટા વ્યવહારોમાં યુનિફાઈડ પેમેન્ટ્સ ઈન્ટરફેસ (UPI) નો ઉપયોગ કરે છે. હવે નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ એક પરિપત્ર બહાર પાડ્યો છે. જેમાં વોલેટ અથવા કાર્ડ જેવા પ્રીપેડ સાધનો દ્વારા વેપારીઓને કરવામાં આવતી UPI ચૂકવણી પર ઇન્ટરચેન્જ ફીની ભલામણ કરવામાં આવી છે.

ઘણા ગ્રાહકો આ પરિપત્રને લઈને મૂંઝવણમાં હતા. તેઓ એવી છાપ હેઠળ હતા કે સામાન્ય UPI વ્યવહારો પર શુલ્ક લેવામાં આવશે, પરંતુ NPCIએ એક અખબારી યાદી બહાર પાડી અને સ્પષ્ટ કર્યું કે સામાન્ય UPI વ્યવહારો સંપૂર્ણપણે મફત અને સુરક્ષિત છે. આ ચાર્જ પ્રીપેડ પેમેન્ટ ઇન્સ્ટ્રુમેન્ટ એટલે કે PPI પર જ લાગુ થશે.

PPI પર કેટલો ચાર્જ

મીડિયા રિપોર્ટ્સ અનુસાર નવા નાણાકીય વર્ષની શરૂઆતમાં 1 એપ્રિલથી મર્ચન્ટ UPI ટ્રાન્ઝેક્શન ફ્રી નહીં થાય. NPCI એ પ્રીપેડ પેમેન્ટ ઇન્સ્ટ્રુમેન્ટ એટલે કે PPI પર ઇન્ટરચાર્જની ભલામણ કરી છે, જે 0.5-1.1 ટકાની વચ્ચે હશે. રિપોર્ટમાં વધુમાં જણાવાયું છે કે જો ગ્રાહકો કોઈપણ UPI વેપારી પાસે રૂ. 2000થી વધુનો વ્યવહાર કરે છે, તો તેમની પાસેથી 1.1 ટકાની ઇન્ટરચેન્જ ફી વસૂલવામાં આવશે.

આ રીતે સમજો

જો કોઈ વ્યક્તિએ Google Pay પરથી રૂ. 2000નો મર્ચન્ટ ટ્રાસેર્શન કર્યુ હોય, તો આ ચાર્જ 1.1 ટકા હતો, તેથી તમારે વધારાના રૂ. 22 ચૂકવવા પડશે. તેવી જ રીતે, 10,000 રૂપિયાની રકમ પર, તમારે વધારાના 110 રૂપિયા ચૂકવવા પડશે.

મોટા વ્યવહારોની સંખ્યામાં વધારો થયો

પહેલા લોકો મોટાભાગે યુપીઆઈથી નાના વ્યવહારો કરતા હતા, પરંતુ હવે તે ખૂબ જ સરળ થઈ ગયું છે. આવી સ્થિતિમાં આના દ્વારા મોટા વ્યવહારો પણ થાય છે. એક રિપોર્ટ અનુસાર, Google Pay, Phone-Pay, Payts જેવા પ્લેટફોર્મ પરથી 70 ટકાથી વધુ ટ્રાન્ઝેક્શન 2000થી વધુ છે.

સપ્ટેમ્બરમાં થશે સમીક્ષા

અત્યારે આ નિયમ 1 એપ્રિલથી લાગુ કરવામાં આવી રહ્યો છે, જ્યારે 30 સપ્ટેમ્બર, 2023ના રોજ એક બેઠક મળશે, જેમાં ચાર્જની સમીક્ષા કરવામાં આવશે. જો જરૂરી હોય તો, તે સમયે ફેરફારો કરવામાં આવશે.

English summary

UPI completely free, only PPI will be charged: NPCI clarified