Uninon Budget 2022 : 'બીડી પર ટેક્સ વધશે તો રોજીરોટી છીનવાઈ જશે, નક્સલવાદ પણ વધશે', RSSએ કરી ભાવ ન વધારવાની અપ

દેશના નાણાં પ્રધાન નિર્મલા સીતારમણ 1 ફેબ્રુઆરીએ નાણાકીય વર્ષ 2022-23 માટે કેન્દ્રીય બજેટ રજૂ કરવા માટે તૈયાર છે. રિપોર્ટ અનુસાર કેન્દ્ર સરકાર આગામી બજેટમાં તમાકુ ઉત્પાદનો પર ટેક્સ વધારી શકે છે.

Updated: Monday, January 31, 2022, 19:36 [IST]

Uninon Budget 2022 : દેશના નાણાં પ્રધાન નિર્મલા સીતારમણ 1 ફેબ્રુઆરીએ નાણાકીય વર્ષ 2022-23 માટે કેન્દ્રીય બજેટ રજૂ કરવા માટે તૈયાર છે. રિપોર્ટ અનુસાર કેન્દ્ર સરકાર આગામી બજેટમાં તમાકુ ઉત્પાદનો પર ટેક્સ વધારી શકે છે. સ્વદેશી જાગરણ મંચ (SJM), રાષ્ટ્રીય સ્વયંસેવક સંઘ (RSS) ની આર્થિક પાંખ, આગામી બજેટમાં તમાકુ ઉત્પાદનો પર ટેક્સમાં વધારો થશે, તેવી અટકળો વચ્ચે 'બીડી' પરના ટેરિફમાં ઘટાડો કરવા સરકારને વિનંતી કરી છે.

એક કાર્યક્રમને સંબોધતા, SJMના સહ સંયોજક અશ્વિની મહાજને માગ કરી હતી કે, 'બીડી'ને પણ સિગારેટ અને અન્ય ટોબેકો પ્રોડક્ટ્સ અધિનિયમ (COTPA) માં સૂચિત સુધારાના દાયરામાં રાખવામાં આવવી જોઈએ. કારણ કે, બીડી પર કર વધારવાથી લોકોની આજીવિકા વધશે. લોકોના ખર્ચમાં વધારો થશે. લાખો કામદારો ઉદ્યોગમાં રોકાયેલા છે અને તેમાંથી ઘણાને નક્સલવાદ તરફ ધકેલી શકે છે.

સરકાર બીડી પર 28 ટકા ટેક્સ લગાવી ચૂકી છે : RSS

અશ્વિની મહાજને જણાવ્યું હતું કે, સૂચિત ફેરફારો બીડી બનાવવાના ઉદ્યોગ પર પણ નોંધપાત્ર અસર કરશે. કારણ કે, કોઈપણ તમાકુ ઉત્પાદનના ઉત્પાદન, વેચાણ અને વિતરણ માટે લાઇસન્સ, પરવાનગી અને નોંધણી મેળવવી ફરજિયાત બનશે.

સરકાર બીડી પર 28 ટકા જીએસટી લગાવી ચૂકી છે. અશ્વિની મહાજને જણાવ્યું હતું કે, બીડી પર ટેક્સમાં વધુ વધારો લાખો લોકોની રોજીરોટી છીનવી લેશે. આનાથી નક્સલવાદ પણ મજબૂત થશે.

RSSએ કેન્દ્ર સરકારને આ સૂચનો આપ્યા હતા

અશ્વિની મહાજને કહ્યું કે, સરકારે બીડીનો વપરાશ ઘટાડવાના પગલાં લેતા પહેલા ઉદ્યોગ પર નિર્ભર લોકો માટે વૈકલ્પિક રોજગાર અને આજીવિકાના વિકલ્પો ઊભા કરવા જોઈએ.

આ ઉપરાંત એસોસિએશને ધૂમ્રપાન 'બીડી' અને સિગારેટની અસર શોધવા માટે તુલનાત્મક વૈજ્ઞાનિક અભ્યાસનું પણ સૂચન કર્યું હતું.

ઓલ ઈન્ડિયા બીડી ઈન્ડસ્ટ્રી ફેડરેશન દ્વારા આયોજિત વર્ચ્યુઅલ ઈવેન્ટમાં SJM વક્તા દ્વારા આ ટિપ્પણી કરવામાં આવી હતી.