UGC NET NEET Row: લાખો લોકોનું ભવિષ્ય બરબાદ કરી નાખ્યું, NEET મામલે ભાજપ પર પ્રિયંકા ગાંધીના પ્રહાર

UGC NET NEET Row: UGC NET અને NEET પેપર લીકનો મુદ્દો દિવસેને દિવસે વેગ પકડી રહ્યો છે. NEET પેપર લીક થયા બાદ UGC નેટની પરીક્ષા પણ રદ કરવામાં આવી છે. વિપક્ષ આ મામલાને લઈને ભારે નારાજ છે. આ વચ્ચે કોંગ્રેસ મહાસચિવ પ્રિયંકા ગાંધીએ પણ આ મામલે ભાજપ પર આકરા પ્રહારો કર્યા છે.

પ્રિયંકા ગાંધીએ સતત સામે આવી રહેલા પેપર લીકના મુદ્દે ભાજપ સરકારની ટીકા કરી અને આરોપ લગાવ્યો કે, ભાજપના શાસનમાં આ એક રાષ્ટ્રીય મુદ્દો બની ગયો છે, જેણે લાખો યુવાનોનું ભવિષ્ય બરબાદ કરી દીધું છે.

કૌભાંડમાં 24 લાખ વિદ્યાર્થીઓને ન્યાયની માંગણી કરીને કડક કાર્યવાહી કરવાની માંગ કરી છે. પ્રિયંકા ગાંધીએ જણાવ્યું હતું કે, આજે દેશભરમાં ભારતીય રાષ્ટ્રીય કોંગ્રેસના સાથીઓએ NEET પરીક્ષા કૌભાંડનો વિરોધ કર્યો હતો.

પ્રિયંકા ગાંધીએ વધુમાં કહ્યું કે, ભાજપના શાસનમાં ભરતીમાં ભ્રષ્ટાચાર, પેપર લીક અને શૈક્ષણિક કૌભાંડો દેશના ભવિષ્યને અંધકારમાં ધકેલી રહ્યા છે. ભ્રષ્ટાચારની આ રમત તાત્કાલિક બંધ થવી જોઈએ. અમારી માંગ છે કે, NEET પરીક્ષામાં થયેલા કૌભાંડ સામે તાત્કાલિક અને કડક કાર્યવાહી કરવામાં આવે જેથી 24 લાખ યુવાનોને ન્યાય મળે.

ઉલ્લેખનીય છે કે, પ્રિયંકા ગાંધીએ X પર પેપર લીકને લઈને બીજી પોસ્ટ લખી હતી. તેમણે લખ્યું, 'છેલ્લા પાંચ વર્ષમાં દેશમાં 43 ભરતી પરીક્ષાઓના પેપર લીક થયા છે. ભાજપના શાસનમાં પેપર લીક એ આપણા દેશની રાષ્ટ્રીય સમસ્યા બની ગઈ છે, જેણે અત્યાર સુધીમાં કરોડો યુવાનોનું ભવિષ્ય બરબાદ કર્યું છે.

ભારત વિશ્વનો સૌથી યુવા દેશ છે. અમારી પાસે સૌથી વધુ યુવા વસ્તી છે. ભાજપ સરકાર આ યુવાનોને કુશળ અને સક્ષમ બનાવવાને બદલે તેમને નબળા બનાવી રહી છે.

ઉલ્લેખનીય છે કે, NEET પરીક્ષા 5 મેના રોજ લેવામાં આવી હતી, જેમાં લગભગ 24 લાખ વિદ્યાર્થીઓએ ભાગ લીધો હતો. જોકે, 4 જૂને પરિણામ જાહેર થયા બાદ પેપર લીક થયાના આક્ષેપો થયા હતા. તેમજ યુજીસી નેટની પરીક્ષા 18મી જૂને લેવામાં આવી હતી.

आज देश भर में भारतीय राष्ट्रीय कांग्रेस के साथियों ने NEET परीक्षा घोटाले के ​खिलाफ विरोध-प्रदर्शन किया। भाजपा राज में भर्तियों में बेतहाशा भ्रष्टाचार, पेपर लीक और शैक्षणिक घोटाले देश के भविष्य को अंधकार में धकेल रहे हैं। भ्रष्टाचार का यह खेल तत्काल बंद होना चाहिए।

हमारी मांग… pic.twitter.com/uGJcxkZlRA

— Priyanka Gandhi Vadra (@priyankagandhi) June 21, 2024

English summary

UGC NET NEET Row: Ruined Future of Millions, Priyanka Gandhi Attacks BJP Over NEET