Karnataka election : કોંગ્રેસની 5 ગેરંટી સામે બીજેપીના ત્રણ વાયદા, જાણો કોના દાવામાં કેટલો દમ?

કર્ણાટકમાં બીજેપી સત્તા બચાવવા માટે એડીચોટીનું જોર લગાવી રહી છે. બીજેપીએ હાલમાં જ તેના મેનિફેસ્ટોમાં કેટલાક મોટા વાયદા કર્યા છે. બીજી તરફ કોંગ્રેસે 5 ગેરંટી આપીની બીજેપીનો ખેલ બગાડવાની પુરી યોજના બનાવી લીધી છે.

બીજેપી ચૂંટણી જીતી સત્તામાં પાછી ફરવા માંગે છે. હવે પાર્ટીએ મતદાનના 9 દિવસ પહેલા ચૂંટણી ઢંઢેરો જારી કર્યો છે. અધ્યક્ષ જેપી નડ્ડા અને મુખ્યમંત્રી બસવરાજ બોમ્માઈએ કર્ણાટક વિધાનસભા ચૂંટણી માટે ધ પીપલ્સ મેનિફેસ્ટો બહાર પાડ્યો છે. આમાં બીજેપીએ 16 મોટા ચૂંટણી વચનો આપ્યા છે.
આ પહેલા કોંગ્રેસે તેના પાંચ મોટા ચૂંટણી વચનો પાંચ ગેરંટીના રૂપમાં જાહેર કર્યા છે. હવે આપણે એ જાણીએ કે કોંગ્રેસની 5 ગેરંટીના જવાબમાં બીજેપીએ આપેલા ટોચના ત્રણ ચૂંટણી વચનો શું છે?

બીજેપીના વાયદા
- વંચિત અને ગરીબ પરિવારોને 5 લિટર નંદિની દૂધ આપવામાં આવશે.
- ગરીબ પરિવારોને એક વર્ષમાં ત્રણ મફત રાંધણ ગેસ સિલિન્ડર આપવામાં આવશે.
- કર્ણાટકના દરેક વોર્ડમાં અટલ આહાર કેન્દ્ર ખોલવામાં આવશે.
- ઓનેક ઓબાવા સામાજિક ન્યાય ભંડોળ યોજના હેઠળ દલિત આદિવાસી મહિલાઓને 5 વર્ષની ફિક્સ ડિપોઝિટ માટે 10 હજાર રૂપિયા આપવામાં આવશે.
- મહિલાઓની સુરક્ષા માટે બેંગ્લોરના તમામ રસ્તાઓ પર AI ફેશિયલ રેકગ્નિશન સોફ્ટવેર સાથે CCTV સર્વેલન્સ કેમેરા ઇન્સ્ટોલ કરવામાં આવશે.

કોંગ્રેસની ગેરંટીઓ
- તમામ ઘરોને 200 યુનિટ મફત વીજળી
- અન્ના ભાગ્ય યોજના હેઠળ BPL પરિવારના દરેક સભ્યને 10 કિલો ચોખા મફત
- ગૃહ લક્ષ્મી યોજના હેઠળ દરેક પરિવારની મહિલા વડાને 2000 માસિક સહાય આપવામાં આવશે.
- સ્નાતક યુવાનો માટે દર મહિને 3000 અને ડિપ્લોમા ધારકો માટે 1,500 રૂપિયા, 18-25 વર્ષની વય મર્યાદામાં આ સહાય બે વર્ષ માટે આપવામાં આવશે.
- તમામ મહિલાઓ પબ્લિક ટ્રાન્સપોર્ટ બસમાં મફત મુસાફરી કરી શકશે

English summary

Three promises of BJP against 5 guarantees of Congress, know how much power is in whose claim?