ગર્લ રોક બેન્ડને ઓનલાઇન ધમકી આપનાર ત્રણની ધરપકડ

Published: Thursday, February 7, 2013, 15:01 [IST]

શ્રીનગર, 7 ફેબ્રુઆરી: કાશ્મીરમાં યુવતીઓના એક રોક બેન્ડને ઓનલાઇન અપશબ્દ કહેવા અને ધમકી આપવાના આરોપમાં વધુ એક યુવકની ધરપકડ કરી લેવામાં આવી છે. ધમકીઓના કારણે આ બેન્ડની યુવતીઓએ ગાવાનું છોડી દીધું છે.

પોલીસે બટમાલુના એસ ડી કોલોનીના રહેવાસી ઇરશાદ અહમદ ચારાને ગઇકાલે રાત્રે ધરપકડ કરી લીધી. આ પહેલા તેને પકડવા માટે જુદા જુદા સ્થળો પર દરોડા પાડવામાં આવ્યા હતા. પોલીસ સૂત્રોના જણાવ્યું કે પૂર્વમાં દક્ષિણ કાશ્મીરના બિજબહેડાનો રહેનાર તારિક ખાનને અને મધ્ય કાશ્મીરના ગંદેરબાલથી રમીઝ શાહને મોડી રાત્રે ગિરફ્તાર કરવામાં આવ્યો હતો.

જમ્મૂ કાશ્મીર પોલીસ કમિશ્નર અશોક પ્રસાદે એ વિસ્તારોની ગશ્ત વધારવાના આદેશ આપ્યા છે જ્યાં બેન્ડની ત્રણ યુવતીઓમાની બે યુવતીઓ રહે છે. અધિકારીઓએ જણાવ્યું કે બેન્ડ ફેસબુક પેજ પર આવેલા કુલ 900 પોસ્ટમાંથી 26 ઉપયોગ કર્તાના પોસ્ટ વાંધાજનક છે. આ તમામના ઇન્ટરનેટ પ્રોટોકોલ એડ્રેસની તપાસ કરાઇ છે.

તેમણે જણાવ્યું કે ફરિયાદ દાખલ કરવામાં ત્રણ દિવસનો વિલંબ એટલા માટે લાગ્યો કારણ કે કાશ્મીરી યુવતીઓના બેન્ડ 'પ્રગાશ'ના ફેસબુક પેજ પર મોટી સંખ્યામાં આવેલી પોસ્ટની તપાસ કરવામાં સમય લાગ્યો. રાજબાગ પોલીસ સ્ટેશનમાં મામલો નોંધવામાં આવ્યો છે.

Published On February 7, 2013