ગણતંત્ર દિવસની ઉજવણીમાં ભાગ લેશે 10 આસિયાન દેશના નેતાઓ

26 જાન્યુઆરી, 2018માં ભારતદેશ પોતાનો 69મો ગણતંત્ર દિવસ ઉજવશે. આ વર્ષની ઉજવણી વધુ ખાસ એટલા માટે છે કારણ કે, 10 આસિયાન દેશોના પ્રમુખોને આમંત્રણ આપવામાં આવ્યું છે. ભારતના એશિયાઇ દેશો સાથેના સંબંધો વદુ મજબૂત થાય એ માટે વડાપ્રધાન નરેન્દ્ર મોદીએ તમામ આસિયાન દેશોના પ્રમુખોને ભારત આવવાનું આમંત્રણ આપ્યું હતું. ગત વર્ષે 14 નવેમ્બરના રોજ ફિલિપાઇન્સમાં યોજાયેલ 15મી આસિયાન-ઇન્ડિયા સમિટમાં વડાપ્રધાન નરેન્દ્ર મોદીએ હાજરી આપી હતી અને એ દરમિયાન જ અન્ય દેશના નેતાઓને ગણતંત્ર દિને ભારતની મહેમાનગતિ સ્વીકારવા વિનંતી કરી હતી.

આ 10 નેતાઓમાં મલેશિયા, ઇન્ડોનેશિયા, સિંગાપુર, વિયેતનામ, થાયલેન્ડ, મ્યાનમાર, ફિલિપાઇન્સ, કંબોડિયા, બ્રુનેઇ, લાઓસના નેતાઓનો સમાવેશ થાય છે. ફિલિપાઇન્સના રાષ્ટ્રપતિ આસિયાન-ઇન્ડિયા સમિટ દરમિયાન પહેલી જ વાર પીએમ મોદીને મળ્યા હતા અને આ તેમની પ્રથમ ભારત મુલાકાત હશે. આસિયાન દેશના ઘણા નેતાઓ પહેલી જ વાર આપણા દેશની મુલાકાતે આવી રહ્યા હોવાથી આ વર્ષના ગણતંત્ર દિવસની ઉજવણી ઘણી જ શાનદાર રહેશે, એમાં શંકાને કોઇ સ્થાન નથી.

English summary

these 10 Asean leaders to visit india on republic day