Apple iPhone Hacking Case: એપલ આઈફોન હેકિંગ કેસમાં સરકારે તપાસના આદેશ આપ્યા, અશ્વિની વૈષ્ણવે આપી જાણકારી

Apple iPhone Hacking Case: કેન્દ્રીય સંચાર, ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રી અશ્વિની વૈષ્ણવે જણાવ્યું હતું કે, કેન્દ્ર સરકારે એપલ હેકિંગ કેસની તપાસના આદેશ આપ્યા છે. આ સાથે તેમણે વધુમાં જણાવ્યું હતું કે, એપલે 150 દેશોમાં એડવાઈઝરી જાહેર કરી છે.

મીડિયા સાથે વાત કરતા અશ્વિની વૈષ્ણવે જણાવ્યું હતું કે, કેટલાક સાંસદો દ્વારા ઉઠાવવામાં આવેલો મુદ્દો એ છે કે, તેમને એપલ તરફથી એલર્ટ મળ્યું છે. તેના સંદર્ભમાં, હું સ્પષ્ટ કરવા માંગુ છું કે, સરકાર આ મુદ્દે ખૂબ જ ગંભીર છે, અમે આ મુદ્દાના મૂળ સુધી જઈશું.

ઈલેક્ટ્રોનિક્સ અને ઈન્ફોર્મેશન ટેક્નોલોજી અશ્વિની વૈષ્ણવે જણાવ્યું હતું કે, તપાસના આદેશ જાહેર કરવામાં આવ્યા છે. આપણા દેશમાં કેટલાક ટીકાકારો છે, જેમને ટીકા કરવાની આદત પડી ગઈ છે. આ લોકો દેશની પ્રગતિને પચાવી શકતા નથી. એપલ પાસે કોઈ માહિતી નથી. તેણે અંદાજના આધારે આ માહિતી મોકલી છે.

અત્રે ઉલ્લેખનીય છે કે, તૃણમૂલ કોંગ્રેસના સાંસદ મહુઆ મોઇત્રા સિવાય કોંગ્રેસ નેતા રાહુલ ગાંધી, શશિ થરૂર, શિવસેના (UTB) સાંસદ પ્રિયંકા ચતુર્વેદી અને આમ આદમી પાર્ટીના સાંસદ રાઘવ ચઢ્ઢા સહિત ઘણા નેતાઓએ મંગલવાને દાવો કર્યો હતો કે, તેમને Apple તરફથી ચેતવણી મળી છે.

નોંધનીય છે કે, એપલને મોકલવામાં આવેલા સંદેશમાં કહેવામાં આવ્યું છે કે, સરકાર પ્રાયોજિત હુમલાખોરો દૂરથી તેમના આઇફોન સાથે ચેડા કરવાનો પ્રયાસ કરી રહ્યા છે. તમે કોણ છો અથવા તમે શું કરો છો? તેના કારણે આ હુમલાખોરો કદાચ તમને વ્યક્તિગત રીતે નિશાન બનાવી રહ્યા છે.

English summary

The government has ordered an inquiry into the Apple iPhone hacking case, Ashwini Vaishnav informed