લંપટ શિક્ષકે 5 વર્ષની વિદ્યાર્થિની પર દુષ્કર્મ આચર્યું, થઈ ધરપકડ

કોલકાતાઃ પશ્ચિમ બંગાળની રાજધાની કોલકાતામાં એક સ્કૂલમાં સગીર વિદ્યાર્થિની સાથે યૌન શોષણનો મામલો સામે આવ્યો છે. આ હલકટ હરકત બીજા કોઈએ નહિ પણ ખુદ શિક્ષકે જ કરી છે. બાળકીના પરિજનોને આ મામલે જાણ થતાં તેઓએ શાળાએ પહોંચી પ્રદર્શન શરૂ કર્યું હતું. આ દરમિયાન પોલીસ સાથે પણ ઝપાઝપી થઈ હતી. ગુસ્સે ભરાયેલા પરિજનોએ સ્કૂલમાં તોડફોડ કરી હતી. નરાધમ શિક્ષક સામે આકરી કાર્યવાહી કરવાની માગણી કરી રહ્યા છે. જે બાદ પોલીસે લંપટ શિક્ષકની ધરપકડ કરી છે.

અહેવાલો મુજબ શિક્ષકે પહેલા તો 5 વર્ષની વિદ્યાર્થિનીનું જાતિય શોષણ કર્યું હતું અને એ બાદ બાળકીને ધમકી આપી હતી કે આ વિશે કોઈને જણાવ્યું તો તેને જાનથી મારી નાખશે. બાળકી સાથે થયેલ આ ઘટના બાદ સ્કૂલ બહાર પ્રદર્શન કરી રહેલા લોકોએ રૌદ્ર રૂપ ધારણ કરી લીધું હતું અને સ્કૂલમાં તોડફોડ શરૂ કરી દીધી હતી. આ દરમિયાન સ્કૂલની બહાર ભીડની સાથે બાળકીના માતા-પિતા પણ હાજર હતા.

પોલીસે ભારે જહેમત કરતાં ભીડને કાબૂમાં કરી તેમને સ્કૂલની બહાર જતાં અટકાવ્યા હતા. આ પ્રદર્શન દરમિયાન કેટલાક લોકો ઘાયલ પણ થયા હતા. પ્રદર્શનની ગંભીરતાને જોતાં પોલીસે આરોપી શિક્ષકની ધરપકડ કરી લીધી છે.

આ પણ વાંચો- Me Too: સ્ત્રીની અભિનેત્રી ફ્લોરાએ જાણીતા પ્રોડ્યુસર પર લગાવ્યો શોષણનો આરોપ

English summary

A primary student has allegedly been sexually abused by a teacher at a Kolkata school, police officials said on Tuesday, following which several parents protested outside the institute’s premises, demanding immediate action against the accused.