સુપ્રીમ કોર્ટનુ RTI પોર્ટલ સંપૂર્ણ રીતે તૈયાર, થોડી વારમાં થશે ચાલુ: CJI ડી વાય ચંદ્રચુડ

ભારતના મુખ્ય ન્યાયાધીશ ડી.વાય. ચંદ્રચુડે કહ્યું છે સુપ્રીમ કોર્ટનું ઓનલાઈન માહિતી અધિકાર RTI પોર્ટલ સંપૂર્ણ રીતે તૈયાર છે. આ RTI પોર્ટલ થોડા સમયમાં કાર્યરત થઈ જશે. આરટીઆઈ પોર્ટલ ખુલ્યા બાદ લોકો માટે કોર્ટ વિશેની માહિતી મેળવવાની સુવિધા સરળ બનશે. અત્યારસુધી સુપ્રીમ કોર્ટ વિશે માહિતી માંગતી આરટીઆઈ અરજીઓ પોસ્ટ દ્વારા દાખલ કરવામાં આવતી હતી.

મુખ્ય ન્યાયાધીશ ઈ-કમિટીના અધ્યક્ષ

મુખ્ય ન્યાયાધીશ ઈ-કમિટીના અધ્યક્ષ પણ છે, જે ભારતમાં ન્યાયિક પ્રણાલી દ્વારા માહિતી અને સંચાર તકનીક (ICT) ને અપનાવવા તરફ કામ કરે છે. આ સમિતિનો એક પ્રાથમિક ઉદ્દેશ્ય પ્રક્રિયાઓને સ્વચાલિત કરવાનો છે અને આ રીતે તેના હિતધારકોને માહિતીની પહોંચ સરળ બનાવવાનો છે.

પોર્ટલ કરાયુ લોન્ચ

કોઈપણ સામાન્ય નાગરિક સુપ્રીમ કોર્ટને લગતી કોઈપણ માહિતી માટે માહિતી અધિકાર કાયદા હેઠળ સુપ્રીમ કોર્ટમાંથી માહિતી મેળવવા માટે ઓનલાઈન અરજી કરી શકે છે. ઓનલાઈન અરજી કરવા માટે, તમારે registry.sci.gov.in/rti_app પોર્ટલની મુલાકાત લેવાની રહેશે. સર્વોચ્ચ અદાલતમાંથી માહિતી મેળવવાની પદ્ધતિ બરાબર એવી જ છે જેવી અન્ય સંસ્થાઓમાં છે. સુપ્રીમ કોર્ટ વિશે માહિતી મેળવવા માટે તમારે પહેલા પોર્ટલ પર તમારું લોગિન આઈડી બનાવવું પડશે. આ પછી માંગેલી માહિતી ફોર્મમાં ભરવાની રહેશે. આ માટે તમારે 10 રૂપિયાની ફી ઓનલાઈન ચૂકવવી પડશે.

Chief Justice of India DY Chandrachud says the RTI portal of the Supreme Court is all ready and it will be operational within 15 minutes.

(File pic) pic.twitter.com/IybaEVjirl

— ANI (@ANI) November 24, 2022

'સુપ્રીમ કોર્ટ જાહેર કચેરીના દાયરામાં આવે છે'

નોંધપાત્ર રીતે સુપ્રીમ કોર્ટ પણ માહિતી અધિકાર અધિનિયમ, 2005 હેઠળ જાહેર કાર્યાલયના કાર્યક્ષેત્ર હેઠળ આવે છે. કાયદા હેઠળ, દેશનો સામાન્ય નાગરિક આને લગતી તમામ માહિતી માંગી શકે છે. 2019 માં સુપ્રીમ કોર્ટે પણ ચીફ જસ્ટિસના કાર્યાલયને 'જાહેર કાર્યાલય' તરીકે જાહેર કર્યું હતું. સુપ્રીમ કોર્ટના ન્યાયાધીશોના કામકાજની માહિતી દરેક માટે જાહેર કરવામાં આવશે નહીં, કારણ કે ઘણા પેન્ડિંગ કેસ આનાથી પ્રભાવિત થઈ શકે છે.

English summary

Supreme Court's RTI portal fully ready, will be launched shortly: CJI DY Chandrachud